Zerga eta Aurrekontu itunak ondorengo orduetan adostea espero du EAJk
Itxaso Atutxa EAJren EBBko presidentearen iritziz, ondorengo orduetan edo egunetan lortuko dute EAJk, PSE-EEk eta PPk zerga erreformaren eta Eusko Jaurlaritzaren 2018rako Aurrekontu akordioa. Popularrek Arabako Aurrekontuak akordio horretatik kanpo uztea eskatu dute, baina jeltzaleek Araba ere kontuan hartzea nahi dute.
"Ostiralean zegoen borondate bera dago hiru alderdien artean. Ostiraleko bileran komunikatu bateratu bat atera genuen, akordioak lortzeko gure borondatea erakutsiz. Hori mantentzen dela uste dut. Ondorengo orduetako edo egunetako kontua izango da, baina bide onetik doa eta nahikoa denbora dago", azpimarratu du.
PPk Arabako Aurrekontuak akordiotik kanpo utzi nahi ditu. Onda Vasca irrati kateari eskainitako elkarrizketan Itxaso Atutxak adierazi duenez, kontraesan bat da "beraiek baitziren Gasteizko eta Eusko Jaurlaritzako Aurrekontuak eta zerga erreformari buruzko akordioa lotu nahi zituztenak".
"Egia da erabakiguneak ezberdinak direla, nahiz eta alderdien artean oinarrizko akordioa egon. Hala ere, Legebiltzarra eta Eusko Jaurlaritza esparru bat dira (Aurrekontuak) eta bestea, fiskalitatearena, Foru Aldundien eta Batzar Nagusien kontua da", gaineratu du.
Atutxaren esanetan, garrantzitsua litzateke akordioa Arabara ere zabaltzea, "Arabak ere egonkortasuna behar baitu".
EAJk eta PSEk koalizioan zuzentzen dituzte Eusko Jaurlaritza eta foru aldundiak, baina ez dute gehiengorik Legebiltzarrean, ezta Arabako Batzar Nagusietan ere, aurrekontuak onartzeko eta erreforma fiskala aurrera eramateko.
Albiste gehiago ekonomia
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.