Milaka pentsiodun atera dira kalera pentsio duinak eskatzeko
Milaka pertsona atera dira kalera Bilbon, Donostian eta Gasteizen, pentsio duinen eta pentsio sistema publikoaren defentsan eta pentsioak KPIaren arabera eguneratzea eskatzeko.
Manifestariek pentsio duinak eskatu dituzte, hots, 1.080 euroko gutxieneko pentsioa eta pentsioak KPIaren arabera gaurkotzea. Ildo horretan, Espainiako Gobernuak pentsioei % 0,25eko igoera aplikatu izana salatu dute.
Bilbon, hiriburuko udaletxearen aurrean elkartu dira Bizkaiko jubilatu, alargun eta pentsiodunen elkarteek deituta, eta Espainiako Gobernuak Bilbon duen Ordezkaritzaren aurrean amaitu dute.
Manifestazio jendetsu honen ondorioz, protestak iraun duen bitartean zirkulazio arazoak izan dira Bilbo erdigunean. Antolatzaileen esanetan, mobilizazio "historikoa" izan da, baina protestekin jarraitu beharra dagoela ohartarazi dute: "Hau ez da gaur amaitzen". Beren pentsioak eta beren seme-alabenak defendatzera atera direla nabarmendu dute.
Protestaren amaieran, manifestu bat irakurri dute, euskaraz eta gaztelaniaz, eta pentsiodunei adarra jotzen dietela salatu dute. Horien esanetan, pentsioak % 0,25 igotzea "irrigarria" da eta egoera hori 2022ra arte errepikatuko da. Bertan salatu dutenez, Euskal Autonomia Erkidegoko (EAE) 170.000 pertsona baino gehiago 700 euro baino gutxiagorekin bizi dira hilean. Hori dela eta, pentsioak KPIaren arabera gaurkotzea aldarrikatu dute erosahalmena ez galtzeko.
Bestalde, Donostian, Gipuzkoa osotik joandako 5.000 pertsona inguru elkartu dira, pentsio duinak eskatzeko. Gipuzkoako pentsiodunen elkarteak deitutako mobilizazio horretan, Fatima Bañez Lan ministroari zuzendutako gutuna utzi dute Espainiako Gobernuak Donostian duen Ordezkaritzan. Halaber, aurrerantzean borrokan jarraitzeko asmoa agertu dute.
Iruñean, ehunka erretirodunek bildu dira arratsaldean protestan, Espainiako Gobernuak Nafarroan duen Ordezkaritzaren aurrean, pentsio duinak eskatzeko. Pentsio sistema publikoa defendatzeko Nafarroako Plataformak deitu du manifestazioa.
Elkarretaratzean, Alderdi Popularraren eta Mariano Rajoyren aurkako oihuak entzun dira, eta manifestariak PPren egoitzara joan dira ondoren.
"Gure armak batasuna eta mobilizazioa dira, eta batez ere pentsioak suntsitu dituzten arduradunak botoekin zigortzea; hau da, Alderdi Popularraren Gobernua", azpimarratu du plataformak.
BIDEOA | Gasteizko manifestazioa:
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.