Uber bueltan da Bartzelonan, UberX izenarekin
Uber enpresa Bartzelona hirian bueltan da gaur, asteartea, 08:00etatik aurrera, ia lau urte inguru alde egin eta gero, taxien sektorearekin gatazka handia izan eta gero.
UberX da hirian jarduten den zerbitzuaren izena, eta Alokairuko auto txoferdunak baino ez ditu eskainiko. Gainera, gidariak autonomoetan alta emanda daudela edo enpresa gisa izena emanda dutela egiaztatuko du, enpresak ohar baten bidez adierazi duenez.
Era berean, gidariak aurrekariak ote dituen baieztatuko du, baita ibilgailuaren fitxa teknikoa eta aseguruaren balio data ere.
Taxiaren sektoreak AEBko enpresarekin izan zuen gatazka Europar Batasuneko Justizia Auzitegiraino heldu zen. Iazko abenduan, plataforma garraioen sektoreko enpresa bat dela ebatzi zuen eta, hortaz, sektoreari dagozkion baimenak eta lizentziak eskatu lekiekeela.
Ordurako, baina, Uber Bartzelonatik kanpo zegoen. Izan ere, 2014an alde egin zuen, ebazpen batek UberPop partikularren arteko zerbitzua eten ondoren.
Nola erabili
UberX erabiltzeko, bidaiariak Uber aplikazioa jaitsi beharko du, kontu bat sortu eta ordainketa modua zehaztu. Behin erregistratuta dagoenean, egin nahi duen ibilbidea eta abiapuntua adierazi beharko du.
Orduan, aplikazioak itxaron denbora eta gidariaren informazioa erakutsiko du: argazkia, ibilgailua eta matrikula zenbakia.
% 20 merkeagoa
UberX zerbitzuak Bartzelonan erabiliko dituen tarifak honako hauek dira: minutuko 0,16 euro eta kilometroko 1,42 euro; gutxieneko tarifa, 5,5 euro; gutxienekoa ordaindu beharko da zerbitzua eskatu ostean bertan behera utziz gero.
Hori horrela, % 15 merkeagoak dira hiri barruko bidaiak, eta % 20 Bartzelona-El Prateko Aireporturako bidaiak, Uberren arabera.
Zure interesekoa izan daiteke
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.