Hezkuntza pribatuko langileen % 70ek bat egin dute grebarekin, sindikatuen arabera
Gizarte Ekimeneko itunpeko ikastetxeetako lehen greba egunak oso jarraipen zabala izan du sindikatu deitzaileen esanetan, hain zuzen ere, % 70 baino handiagoa. Eskola guztietan grebaren jarraipena % 50etik gorakoa izan dela eta ikastetxe batzuk itxita egon direla azpimarratu dute.
Horrez gain, Kristau Eskola eta AICE-IZEA patronalek langileen oinarrizko aldarrikapenak aintzat hartzen ez badituzte, greba eta mobilizazioekin jarraituko dutela ohartarazi dute.
Kristau Eskolak, berriz, grebaren jarraipena % 38koa izan dela esan du. Patronalak zabaldutako datuen arabera, lanuzteak % 42ko eragina izan du Bizkaian, % 35ekoa Gipuzkoan eta % 33koa Araban.
Steilas, CCOO, LAB, ELA eta UGT sindikatuek deituta, greba eguna izan dute Euskadiko ekimen sozialeko hezkuntza zentroetan, hitzarmen berri bat aldarrikatzeko. Hala, itunpeko zentroen % 70ean eragin du lanuzteak. Zentro horietan, 9.000 langile eta 117.905 ikasle daude guztira.
Ohar bateratu batean sindikatuek adierazi dutenez, jarraipen zabala izan du grebak kolektibo ezberdinetan: Administrazio eta zerbitzuetako langileak, Haur Hezkuntzako 1. Zikloko langileak, Hezkuntza Laguntzako Espezialistak eta irakasleak.
"Sektoreko azken hitzarmena 2009koa da eta orduz geroztik, inposatutako murrizketei aurre egiteaz gain (aurrena % 5eko soldata murrizketak eta estatuko hitzarmenaren inposaketa, ondoren), akordio berri baten alde negoziatzen aritu gara; ia 10 urte luzez", nabarmendu dute.
Sindikatuen hitzetan, "etengabe negoziaketa luzatzeko patronalaren jarreraren aurrean, akordiorako borondaterik ez edukitzeagatik, irailean sindikatu guztiok gutxiengo aldarrikapenak jasotzen zituen plataforma bateratu bat adostu genuen, baina patronalaren erantzun eskasak ordurako hilik zegoen negoziazio mahaitik altxatzera eraman gintuen, eta mobilizazioen bidea hartzera".
Horren aurrean, "gai desberdinetan beharrezkoak diren" hobekuntzak jasoko dituen akordio berri bat eskatzen dute sindikatuek. Sektorearen arazo larriak izendatu dituzte, hala nola, lan kargaren hazkundea, jaiotza-tasaren beherakada dela-eta Hezkuntzako aurreneko etapetan gela kopuruaren murrizketa eta, ondorioz, kaleratzeak; erosmen ahalmena galtzea eta Haur Hezkuntzako lehen zikloko eta Hezkuntza Laguntzako Espezialisten lan baldintza eskasak.
"Azpikontratatutako langileen errebertsioan, Administrazio eta Zerbitzuetako langileen lanaldietan, DBH 1. Ziklokoen soldaten ekiparazioan eta Lanbide Heziketa arautzean pauso batzuk ematea ere exijitzen dugu", gaineratu dute.
Mobilizazio nagusiak 11:30ean abiatu dira Escolapiosetik (Recalde Zumardia, 19) Bilbon, Boulevarretik Donostian, eta Arka plazatik Gasteizen.
(Itunpeko ikastetxeetako langileek Bilbon egindako manifestazioa. Argazkia: EFE)
Albiste gehiago ekonomia
Eusko Jaurlaritzak eta Poloniako Gobernuak Europaren autonomia estrategikoa bultzatzearen alde egin dute
Astelehen honetan Bilbon egin duten Euskadi-Polonia Foroan aztergai izan dute, besteak beste, itsasoko energia eolikoan eta teknologia garbietan lankidetzan aritzea, baita teknologia aeroespazialetan eta azpiegitura adimendunetan eta logistikoan ere.
Diru-sarrera txikienak dituzten autonomoen kuotak izoztea proposatuko du Gizarte Segurantzak, 2026rako
"Ministerioa lantzen ari den proposamena egiteko kolektiboari entzuten ari zaio, eta datorren urterako lehenengo hiru kuotak izoztea dakar", adierazi du Elma Saizek, Gizarteratze, Gizarte Segurantza eta Migrazio ministroak.
Senide baten heriotzagatiko baimena ahaidea hil eta lau astera hartu ahal izango da
Lan Ministerioaren proposamenak zainketa aringarrietarako baimen berria ere zehazten du, eta 15 egunera arteko iraupena izango du.
Tradisnako garraiolari nafarrek protesta egin dute A-68an
Tradisna Nafarroako garraiolarien elkarteak mobilizazioekin jarraitzen du. Gaur A-68 autobidean egin dute protesta. Besteak beste, bidesariak kentzeko eta fiskalitatea beste erkidegoetan dutenarekin parekatzeko eskatzen dute.
Bitcoin bidezko ordainketak onartzen dituen EBko lehen azoka izango da Barakaldokoa
Azaroaren 18an iritsiko da Barakaldoko merkatura ordainketak kriptotxanponak edo bestelako sistema digitalak erabiliz egiteko aukera, eta bertako postu gehienetan onartuko dituzte.
Zer gertatuko da orain BBVA eta Sabadellekin? Massimo Cermelli ekonomialariak gakoak eman dizkigu
Massimo Cermelli Deustuko Unibertsitateko Ekonomia irakaslearen arabera, BBVA eta Sabadellekin gertatu denak argi utzi du erosteko eskaintza oldarkorrek ez dutela Espainiako merkatuan funtzionatzen.
Euskadin duen presentzia indartzen jarraitzeko deia egin dio Eusko Jaurlaritzak BBVAri
Sabadellen akzioak erosteko eskaintza publikoaren bidea amaitu ostean Lehendakaritzako iturriek gogoratu dutenez, "bi enpresa pribaturen arteko operazioa zena akziodunek erabaki behar zuten eta erabaki dute". Hala ere, "finantza-sektore sendo, lehiakor eta errotua izatea ona eta beharrezkoa" dela nabarmendu du, bai Euskadiko ekonomiarentzat, bai Kataluniakoarentzat.
EAEko langabezia tasa % 6,8ra igo da hirugarren hiruhilekoan, 12.500 langabe gehiago zenbatuta
Azken urtean, landunen kopuruak gora egin du (8.400 landun gehiago), eta langabezia tasa % 7,2tik % 6,8ra murriztu da.
Torresek ez du dimititzeko asmorik, BBVAk Sabadell erosteko ahaleginak porrot egin arren
BBVAko presidenteak azaldu duenez, administrazio kontseiluak hartu ditu erabaki guztiak, eskaintza aurkeztearena barne.
EAEko langabezia tasa % 5,7ra jaitsi da bigarren hiruhilekoan, 13.200 langabe gutxiago zenbatuta
Azken urtean, landunen kopuruak gora egin du (17.600 pertsona gehiago), eta langabezia tasa % 7,5etik % 5,7ra murriztu da.