Navalek akordioa lortu du banketxeekin 'Vox Alexia' ontzia amaitu ahal izateko
Sestaoko Naval ontziolak sei finantza erakundeekin akordioa lortu du "Vox Alexia" ontziaren eraikuntza finantzatzeko. Adostasun horrek draga eraikitzen jarraitu ahal izateko aukera zabal dezake.
Ontziolako iturriek azaldu dutenez, erabaki horren ostean epe bat zabalduko da armadoreak ontziolarekin, bankuekin eta Pymar ontziola txiki eta ertainen elkartearekin finantzaketaren baldintzak eta bermeak negoziatu ahal izateko. Eraikuntzarekin jarraitzekotan, beste 20 hilabete beharko lituzke horretarako.
Edozein kasutan, beti ere ontziolaren esanetan, asteartetik aurrera negoziatu egin beharko dute, kontuan hartuta atzo Navalek Van Oord armadorearen mezua jaso zuela draga eraikitzeko kontratua eteten zuela esanez. Horrekin batera, armadoreak ontziaren eraikuntzan inbertitutako dirua itzultzeko prozedura abiatu du, finantziazioari buruzko negoziazioak akordiorik gabe amaitu zirelako.
Jose Angel Escribese Naval ontziolako zuzendaria itxaropentsu mintzatu da eta draga Sestaon eraikitzen jarraituko dutela uste du finantzazio aldetik operazioa konplexua izanagatik ere. Gaineratu duenez, armadoreak behin baino gehiagotan erakutsi du ontzia Sestaon egiteko borondatea.
Bestalde, Escribesek eskerrak eman dizkie auzian nahastuta dauden alde guztiei: eragileak, armadorea, Pymar ontziola txiki eta ertainen elkartea, banketxeak, sindikatuak eta Eusko Jaurlaritza. Horrez gain, ontziolaren jarduera mantentzeko eta euskal ekonomian giltzarri den sektore baten etorkizuna bermatzeko egindako ahalegina aitortu die.
Albiste gehiago ekonomia
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.