Donostia 'munduko turismoaren hiriburua' izango da aste honetan
Donostia “munduko turismoaren hiriburua” izango da aste honetan; izan ere, Turismoaren Munduko Erakundearen Kontseilu Exekutiboak bere 108. bilera egingo du Gipuzkoako hiriburuan. 45 herrialdetako 200 agintari baino gehiago bilduko dira, besteak beste, 18 ministro eta 16 enbaxadore.
“Nazioarteko ekitaldi garrantzitsua” aurkezteko prentsaurrekoa eman dute gaur Alfredo Retortillo Turismo sailburuak eta Harkaitz Millan Basquetour agentziako zuzendariak.
“Donostia munduko turismoaren hiriburua izango da egunetan”, ziurtatu du Retortillok. Sailburuaren ahotan, foro garrantzitsu horretan “turismo politiken epe ertain eta luzerako ildo estrategikoak erabakitzen dira”.
Turismoaren Munduko Erakundea 1974an sortu zuten. Turismo arduratsu eta jasangarria bultzatzeko eginkizuna duen Nazio Batuen Erakundeko organismoa da. Hiru gobernu organo ditu: Batzar Nagusia (158 herrialde); Kontseilu Exekutiboa eta Idazkaritza Nagusia.
Espainia erakundearen egoitza iraunkorra da, eta horregatik, Kontseilu Exekutiboan ordezkari iraunkorra izateaz gain, bileren egoitzak erabakitzeko orduan esku hartzen du. Urtero bi aldiz biltzen da. Azken batzarrak Txinan, Kroazian eta Egipton egin ditu, eta hurrengoa Donostian.
Donostia goi-bilera hartzeko aukeratu izana eskertu dio Retortillok Estatuko Turismo Idazkaritzari, Euskadi “munduko erakusleihoan” kokatzeko “aukera bikaina” delako.
Zurab Pololikashvili georgiarra, Turismoaren Munduko Erakundeko idazkari nagusi berria, Donostian izango da. 2018ko urtarrilaren 1ean izendatu zuten. Horregatik, izendapen gehiago izango dira aste honetako bileran, eta programa zehatzei aurrekontua emango zaie.
Harkaitz Millan Basquetour Eusko Jaurlaritzako Turismo Agentziaren zuzendariak azaldu duenez, ekitaldia asteazkenean hasiko da. Harrera bat egingo dute gau aldera Tabakaleran.
Hala ere, inaugurazio ofiziala ostegunean izango da, lehen orduan, Kursaal Jauregian. Ondoren, bi egunetan zehar lan saioak eta eztabaidak izango dira bertan, “Turismoa eta sektorearen eraldaketa digitala” lelopean.
Ostegunean, Miramar jauregian, beste afari-harrera bat egingo dute. Gainera, Turismoaren Munduko Erakundeak sari gastronomikoak banatuko ditu, besteak beste, Juan Mari Arzak sukaldaria eta Rafael Anson Gastronomia Akademiako presidentea sarituko ditu.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.