Eusko Jaurlaritzaren bitartekaritza eskatu du Naval ontziolako enpresa batzordeak
Navalek bizi duen "egoera larriaren aurrean", Eusko Jaurlaritzaren bitartekaritza ezinbestekoa dela esan du ontziolako enpresa batzordeak, eta Arantxa Tapia Ekonomiaren Garapen eta Lehiakortasun sailburuarekin berehala biltzea eskatu du.
Finantza erakundeek Sestaoko lantegiaren etorkizuna "kolokan" jarri dutela esan dute langileek, eta bankuek sindikatuekin biltzeko "borondaterik ez" dutela erakutsi salatu dute.
"Finantza erakundeek erabaki egin behar dute; zerbait edo ezer ez. Gainontzean, mobilizatzea beste aukerarik ez dugu izango. Navalen etorkizuna, Ezkerraldearena eta ontziolako langileena bankuen esku daude", esan du enpresa batzordeak, gaur kaleratu duten ohar baten bidez.
Ontziolaren etorkizuna, kinka larrian
Naval ontziola eraikitzen ari diren 'Vox Alexia' ontziaren finantzaketa airean dago, Van Oord armadorearen eta bankuen arteko ezadostasunak azken orduotan areagotu ondoren. Dena dela, oraingoz, negoziazioak ez dituzte eten bi aldeek. Ontziolan dagoen itsasontzia berreskuratu nahian dabil Herbereetako armadorea, baina, antza, azken hilabetean egindako ahaleginek ez dute fruiturik eman.
Sestaoko Naval ontziolak sei finantza erakundeekin akordioa lortu zuen joan den maiatzean, 'Vox Alexia' ontziaren eraikuntza finantzatzeko. Adostasun horrek draga eraikitzen jarraitu ahal izateko aukera zabaldu zuen.
Horrekin batera, Van Oord armadoreak ontziaren eraikuntzan inbertitutako dirua (42 milioi euro) itzultzeko prozedura abiatu zuen, baina finantza-erakundeek ez dituzte armadorearen eskaintzak onartu.
Egun, Navalen duten lan-karga bakarra da 'Vox Alexia', eta, beraz, ontziolaren etorkizuna kolokan dago.
Negoziazioen gertuko iturriek jakitera eman dutenez, bankuak ez daude 42 milioiko bermeak exekutatzeko prest, eta kontratuak aintzat hartuta, dirua ez itzultzeko erabakia "legezkoa" dela esan dute.
Beste iturri batzuen arabera, berriz, Van Oord armadoreak ontzia berreskuratzeko egindako eskaintza "oso baxua" da, eta finantza erakundeek ez dute onartu.
Bien bitartean, Naval ontziolak jakinarazi du 'Vox Alexia' erakitzen jarraitzeko ahalegin guztiak egingo dituztela, alde guztiekin negoziatuz.
Gaur eguerdian bildu da ontziolako zuzendaritza langileen batzordearekin, egoeraren berri emateko.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.