Europako AHT sarea garestiegia da eta bidaiari nahikorik ez dago, auditoreen arabera
Europar Batasuneko Kontu Auzitegiak gogor kritikatu du abiadura handiko trenaren sarea: obrak garestiegiak direla, bidaiari faltagatik eraginkorrak ez direla eta kasu batzuetan aurreikusitakoa baino abiadura askoz motelagoan zirkulatzen dutela ondorioztatu du.
Auditoreek Espainia, Frantzia, Italia, Alemania, Portugal eta Austriako abiadura handiko lineak aztertu dituzte, 5.000 kilometrotik gora, guztira. Abiadura handiko trenbide sarea hazten ari bada ere, Europak bere helburua beteko ez duela ondorioztatu dute. 2030. urtean kilometro kopurua hirukoiztea zen asmoa. Egun, 10.000 kilometro inguru daude eta 30.000 kilometroraino iristea zen helburua.
Ikerketa egiteko hamar linea aztertu dituzte, tartean 'Euskal Y'a. Auditoreen arabera, Espainia da abiadura handiko trenbide sarea eraikitzeko Europar Batasunetik diru-laguntza gehien jaso duen herrialdea: 11.200 milioi euro 2000tik 2017ra bitartean. Urte horietan Europar Batasunak guztira 23.700 milioi euro gastatu zituen egitasmo horretan.
Oro har, ikerketaren egileek adierazi dute abiadura handiko trenbideak eraikitzeko erabakiak "iritzi politikoetan" oinarritzen direla, eta ez kostuen eta onuren analisian.
Espainiari dagokionez, txostenak dio kasu gehienetan egitasmoaren "onurak oso txikiak" direla eta beste zenbaitetan "ikuspuntu sozioekonomikotik bideragarriak ez" zirela egiaztatu dela.
Linea bat bideragarria izateko abiadura handiko trenak bederatzi milioi bidaiari izan behar dituela dio Europar Batasunak. Bada, Espainiako bi lineatan kopuru horretara heltzen ez dela ohartarazi du.
Ildo horretan, eta zonalde bakoitzeko "bidaiari potentzialei" buruzko azterketa eginda, Europako auditoreek esan dute, besteak beste, 'Euskal Y'a ez dela bideragarria izango.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.