Lan-eskaintza publikoko hainbat azterketa errepikatzea erabaki du Osakidetzak
Osakidetzak lan-eskaintza publikoko hainbat azterketa errepikatzea erabaki du. Irregulartasunak izan zirelakoan, lau kategoriatako probak behin-behinean geldiarazi zituzten eta lau kategoria horietako hirutan azterketak errepikatu egingo dituela jakinarazi du.
Hala iragarri du Maria Jesus Mugica Osakidetzako zuzendari nagusiak Gasteizen egin duen agerraldian. Azkeneko oposaketetan izan ziren ustezko irregulartasunen harian Osakidetzak abiarazitako barne-ikerketaren berri emateko eskaini du prentsaurrekoa.
Lan-eskaintza publikoko hainbat azterketa filtratu zirela salatu zenean, Osakidetzak oposaketetako kategoria guztietako (86) proba guztiak aztertzea erabaki zuen, baina horietako lau kategoria baino ez zituen geldiarazi: Angiologia eta Kirurgia Baskularra, Anestesia, Kardiologia eta Kirurgia Plastikoa. 300 bat lagun aurkeztu ziren proba horietara.
Mugicak azpimarratu du ez dela frogatu azterketak filtratu zirela, baina ikerketan parte hartu duen aditu independenteak "akatsak" antzeman ditu azterketa ereduetan eta proba horiek zuzentzeko metodoan.
Horrenbestez, lau kategoria horietako hirutan azterketak errepikatuko dituzte: Angiologian eta Kirurgia Baskularrean; Anestesian; eta Kardiologian. Kirurgia Plastikoaren kasuan, epai-mahaiak aho batez onartu du hautaketa prozesuarekin normaltasunez aurrera jarraitzea, "hasierako emaitzak aintzat hartuta".
Osakidetzak egindako ikerketari buruzko xehetasun guztiak hilaren 19an emango dituzte Eusko Legebiltzarrean. Egun horretan agerraldia egingo dute Jon Darpon Osasun sailburuak, Maria Jesus Mugicak eta Osakidetzako beste bi ordezkarik.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".