Ryanair konpainiako kabinako langileek greba eguna dute gaur eta bihar
Ryanair konpainiako kabinako langileek greba eguna dute gaur eta bihar Espainian, Belgikan eta Portugalen, eta, ondorioz, hiru herrialde horietatik iritsi edo bertatik irtengo diren 300 hegaldi inguru bertan behera geldituko dira, Irlandako enpresak jakinarazi duenez. Guztira, kabinako 3.000 langile inguru daude greba egitera deituta.
Langileek Irlandako legedia beharrean Espainiako aplikatzea eskatzen diote enpresari. Gaur egun, 2012a baino lehen konpainiak azpikontratatutako kabinako langileek (% 75) Irlandan kotizatzen dute eta, beraz, ez daukate gizarte segurantzarako eskubiderik Espainian. Hori dela eta, eta Espainian bizi izanagatik ere, "erbesteratutako" irlandarrak sentitzen direla salatzen dute beharginek.
Espainiako Sustapen Ministerioak % 59ra arteko gutxieneko zerbitzuak ezarri ditu. Ryanairrek grebari aurrea hartu dio eta gaurko edo biharko bidaia txartela erosia zuten bidaiari ia guztiei (% 90) eserlekua eman die beste hegaldi batean.
Gaur, asteazkena, Gasteiz, Biarritz edo Santanderreko aireportuetan jatorria edo helmuga duten 16 hegaldi bertan behera gelditu dira. Grebak hegaldi hauei eragingo die: Gasteiz-Tenerife, Santander-Bruselas eta Santander-Bartzelona. Kasu horietan guztietan, joaneko zein itzulerako hegaldiak ezeztatu dira.
Bihar, osteguna, Santanderretik Bartzelonara, Malagara, Palmara eta Valentziara ateratzekoak ziren hegazkinak ez dira irtengo; itzulerakoek ere ez dute Santanderren lur hartuko. Gainera, Biarritz eta Bruselas lotzen dituen hegaldia ere bertan behera gelditu da.
Grebaren harira, kaltetutako bidaiariek kalte-ordainerako eskubidea dutela azpimarratu dute kontsumitzaile elkarteek.
Espainiaren kasuan, Ryanair konpainiako langileen lehendabizikoa da gaur-biharretan egingo dena. Greba deialdi gehiago eginez gero, neguko hegaldiak murriztuarekin eta kaleratzeekin mehatxu egin zien Irlandako enpresak beharginei.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".