Ryanairrek % 20 murriztuko du hegazkin kopurua Irlandan, 300 lanpostu kolokan utzita
Ryanair Irlandako kostu txikiko airelineak % 20 murriztuko du Irlandan duen hegazkin kopurua, hau da 30etik 24ra, eta erabaki horrek 300 lanpostu baino gehiago galtzea ekar lezake.
Londoneko Burtsara igorritako ohar baten bidez azaldu duenez, Irlandatik kenduko dituen hegazkinak Poloniara eramango ditu, han susperraldian baitago, eta pilotuen grebek erreserbak jaistea eragin dutelako, bere esanetan.
Ryanairrek oharra bidali die Dublineko egoitzako 100 pilotu eta kabinako 200 langile baino gehiagori, eta Poloniara edo base batzuetara joateko aukera emango die.
Oharraren arabera, Administrazio Kontseiluak gaur bertan onartu du neurria, hilabete honetan hiru greba egon ostean Irlandan, eta gaur eta biharko Espainian, Portugalen, Belgikan eta Italian lanuzteak deituta daudenean.
Aurreko astelehenean, Michael O'Leary kontseilari delegatuak hegazkin eta hegaldi kopurua murriztu zezaketela ohartarazi zuen, neguko denboraldiari begira, sindikatuek "beharrezkoak ez diren grebak" deitzen dituzten lekuetan. Horrek "lanpostuak galtzea" ere eragingo duela abisatu zuen.
Gaurkoan zabaldutako oharrean airelineak azaldu duenez, Ryanair Sun Poloniako charter hegaldietarako filialak gutxienez 10 hegazkin eskainiko dizkiete Poloniako bidaia-antolatzaileei, uda honetako bikoitza.
Erantsi duenaren arabera, Dublinen hegazkin kopurua murriztea Polonirara eramateko erabakiagatik ez dituzte aire-bide asko kenduko, baina baliteke frekuentzia jaistea.
Enpresak Poloniara eta "seguruenera" beste base batzuetara joateko aukera emango die gaur iragarriko neurriak kaltetuko dituen langileei.
Peter Bellewek azal duenez, Ryanairrek 450 hegazkinekin lan egiten du Europako 87 basetan, eta ohartarazi du "hori egiten jarraitzeko modu bakarra, tarifa txikiak eskaini eta bezeroentzat konfiantzazkoak diren zerbitzuak" ematen jarraitzea dela.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.