Euskadin etxebizitzak erosteko hipotekak % 9,3 jaitsi dira ekainean
Euskadin etxebizitza bat erosteko hipoteka berrien kopuruak % 9,3 egin dute behera ekainean, iazko epe bereko datuekin alderatuta, 1.468 kontratu gutxiago egin baitira; Espainian, aldiz, gora egin dute % 3,9.
Estatistika Institutu Nazionalak ostiral honetan argitaratutako datuen arabera, EAEn izandako jaitsiera % 18,2koa izan da aurreko hilabeteko datuekin alderatuz gero.
Urte arteko datuak ikusita, etxebizitzak erosteko hipoteka kopuruak EAEn izan du beherakada handienetakoa, Kanariak (% 31,8), Balearrak (%18,4) eta Asturias (% 13,2) bakarrik baitaude zerrendan horren aurretik.
Maiatzeko datuekin alderatuz gero, baina, Euskadin izan da jaitsierarik handiena, Kanarietan izandakoaren atzetik (% 46,6).
Ekainean, 194,5 milioi euro mailegatu dira Euskadin etxebizitzak erosteko, 2018ko maiatzean baino % 21,5 gutxiago, eta 2017ko ekainean baino % 16,4 gutxiago.
Guztira, EAEn 1.971 hipoteka sinatu dira ekainean, 315,7 milioi euroko kapitalarekin. Horietatik 24 landa-finkak erosteko izan ziren, eta 1.947 hiriko finkak erosteko (1.458 etxebizitza, 26 orube eta 462 garaje, bulego eta trasteleku).
Halaber, ekainean Euskadin 1.542 hipoteka ezereztu ziren, eta 133 aldatu ziren erregistroan: 96 nobazio egin ziren, eta 16 zordunek eta 21 hartzekodunek subrogazioa egin zuten.
Albiste gehiago ekonomia
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.