Gasolinaren eta gasolioaren prezioak nabarmen garestitu dira abuztuaren azken astean
Udako oporrak amaitzear daudela, gasolina eta gasolioa nabarmen garestitu dira aste honetan merkatuan. Hala, aurreko bost asteetako joerari jarraiki, "itzulera operazioan" ibilgailuen depositua betetzea iaz baino garestiagoa izango da.
Zehazki, gasolina litroak, batez beste, 1,32 euro balio du aste honetan Espainiako Estatuko zerbitzuguneetan; hau da, orain astebete baino % 0,15 gehiago. Europako Petrolio Buletinak zabaldutako datuen arabera, ekaineko bigarren astetik eman den igoerarik handiena izan du gasolinaren prezioak aste honetan.
Bestalde, gasolioari dagokionez, batez beste, 1,23 euro balio du orain litroak, duela astebete baino % 0,16 gehiago. Erregai honek ere, ekaineko bigarren astetik eman den igoerarik handiena izan du abuztuko azken astean.
Espainiako Trafiko Zuzendaritzak (DGT) aurreikusi duenez, ostiral honetatik irailaren 2ra bitartean, abuztuko oporraldiaren azken txanpan, 4,5 milioi ibilgailu ibiliko dira Espainiako errepide nagusietatik, erregaia nabarmen garestitu den astean, hain zuzen.
Depositua betetzea iaz baino 9 euro garestiagoa da
Iazko datuekin alderatuta, gasolio litroa % 15 garestiago dago aurten Espainiako gasolindegietan, eta % 11,6 garestiago dago gasolinarena.
Horrela, egun indarrean dauden prezioak kontuan izanda, 55 litroko depositu bat gasolinaz betetzeko 67,6 euro behar dira, iazko epe berean baino 8,7 euro gehiago. Gasolinaz bete behar izanez gero, berriz, 73 euro behar dira, 2017ko abuztuan baino 7,5 euro gehiago.
EBko datuekin alderatuta, merkeago
Motor-erregaien prezioak nabarmen garestitu arren, Espainiako Estatuan Europar Batasunean baino merkeago dago gasolina; izan ere, gasolina litroak, batez beste, 1,46 eta 1,51 euro artean balio du Europako herrialde gehienetan. Gasolioari dagokionez, EBko batezbestekoa 1,35 eurokoa da, eta 1,36koa, eurogunean.
Zure interesekoa izan daiteke
Tubos Reunidoseko langileek arazoak eragin dituzte Bilbon, Sabino Arana etorbidea moztuta
Protesta une erabakigarrian etorri da: borondatezko bajak baieztatzeko azken eguna da, eta sindikatuek enpresaren presioak salatu dituzte.
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.