Pentsio duinak blokeatzen dituztenei botorik emango ez dietela esan dute pentsiodunek
Pentsiodunak eta jubilatuak Euskal Herriko hiriburuetan bildu dira berriro astelehen honetan, KPIren arabera eguneratuko diren "pentsio duinak" exijitzeko. Halaber, ohartarazpen bat ere egin dute: pentsio duinak izatea oztopatzen duten alderdi politikoei botorik emango ez dietela agindu dute.
Bilboko elkarretaratzean milaka lagun elkartu dira Udaletxe parean, eta datorren urriaren 1ean –Adineko Pertsonen Nazioarteko Eguna- deitu duten manifestazioan parte hartzeko deia luzatu dute.
Josele Pereira Bizkaiko pentsiodunen bozeramaileak gogoratu du datorren asteazkenean Toledoko Itunaren batzordea bilduko dela, besteak beste, pentsio-sistemaren erreformaz hitz egiteko, eta, ildo horretan, alderdi politikoei ohartarazi die "foro horretan pentsiodunei oztopoak jartzen dizkietenei inoiz ez bozkatzeko hautua" egin dutela.
Horrez gain, Pereirak orain arte egindako ibilbidea azpimarratu du; izan ere, bederatzi hilabete daramatzate astero mobilizatzen eta hala jarraituko dutela agindu du. "Borroka izugarria egiten ari gara", erantsi du.
Bestalde, Andrea Uña bozeramaileak urriaren 1erako antolatu duten manifestazioan parte hartzeko deia egin du. "Historikoa" izango dela iragarri du eta mobilizazioan "belaunaldi ezberdinetako pertsonak" izatearen garrantzia nabarmendu du.
11:30ean, lau zutabe abiatuko dira Bilboko toki ezberdinetatik (Errekalde, San Nikolas, Jesusen Bihotza eta Destu) eta denek Moyua plazan egingo dute bat. Handik udaletxeraino joango dira, manifestazioan.
Iruñean, Gasteizen eta Donostian ere izan dira mobilizazioak astelehen honetan. Ehunka lagun bildu dira elkarretaratzeetan.
Gainera, Adineko Pertsonen Nazioarteko Eguna dela eta, hiriburuetan deitu diren manifestazioen harira, Donostiako bilkuran argitu dute urriaren 1ean, astelehenero bezala, elkarretaratzeak egingo dituztela Gipuzkoako herri eta eskualdeetan, eta manifestazioa urriaren 6ra atzeratzea erabaki dutela, larunbata izanda jende gehiago batuko dela iritzita.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.