Gorenak airean utzi du nork ordaindu behar duen hipoteken zerga
Hipoteka bat sinatzean ordaindu beharreko zergak bezeroek barik bankuek ordaindu behar dituztela ebatzi zuen Auzitegi Gorenak ostegunean. Hala ere, irizpidea aplikatzen jarraitu ala ez berriro aztertuko du orain. Ondorioz, aurkeztutako helegite guztiak geldiaraztea adostu du.
Luis Maria Diez-Picazo Goreneko hirugarren aretoaren presidenteak agiri batean azaldu duenez, jurisprudentzia “aldaketa erradikala” eta sententziaren “eragin ekonomiko eta sozial ikaragarria” kontuan hartuta epaia berriz atertzea erabaki dute.
Iturri juridikoek jakitera eman dutenez, helegiteak geldiarazteak ez du arestiko doktrina bertan behera geratzen denik esan nahi. Horrela, irizpideak indarrean jarraituko du, 31 epailek osatutako organoa bildu arte.
Datozen egunetan biltzea espero da. Kasazio-errekurtsoen etorkizuna batzar horren emaitzaren menpe dago.
Arestiko epaian, hipoteka bat sinatzean ordaindu beharreko zergak bezeroek barik bankuek ordaindu behar dituztela ebatzi zuten Administrazioarekiko Auzien aretoko magistratuek.
Horrela, aurreko jurisprudentzia aldatu zuen Gorenak; izan ere, ordura arte bezeroak edo kontsumitzaileak zerga ordaindu behar zuen. 150.000 euroko hipoteka batek batezbeste 1.500 euroko zerga zuen.
Hala ere, aretoak ez zuen aho batez doktrina aldaketa onartu, Dimitry Berberoff magistratuak boto partikularra eman zuelako.
Sententziak atzeraeraginez aplikatuko ote den ez dakite oraindik, errege-dekretua 1995ean sartu baitzen indarrean. Ondorioz, hipoteka arau berriek bankuetan eragin handia izan ditzakete; izan ere, 2014ko uztailetik 2018ko uztailera soilik 1,5 milioi hipoteka mailegutan parte hartu zuten banketxeek.
Operazioen zenbatekoa 190.000 milioi bat eurokoa izango zen. Zerga maileguaren % 0,5 eta % 1,5 artekoa da, eta bankuek 1.900 milioi inguru itzuli beharko lituzkete.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".