Gorenak azaroaren 5ean argituko du hipoteken gaineko zerga nork ordaindu behar duen
Espainiako Auzitegi Gorenak azaroaren 5ean argituko du hipoteken gaineko zerga nork ordaindu behar duen.
Joan den ostegunean, zerga hori bezeroek barik bankuek ordaindu behar dutela ebatzi zuen, baina biharamunean, ezustean, epaia berriro aztertuko zuela iragarri zuen.
Gaur, Carlos Lesmes Auzitegi Goreneko presidentea hipotekei lotutako zergen epaia eman zuten magistratuekin bildu da, eta auzia azaroaren 5ean argituko dutela adostu dute.
Jose Luis Martinez Espainiako Bankuen Elkarteko presidenteak azaldu duenez, Gorenak behin betiko erabakia hartu bitartean, "banku bakoitzak bere erabaki propioak hartuko ditu".
Banku nagusiek hipotekei buruzko informazioa kendu dute euren webguneetatik eta erakunde asko hipotekak emateko baldintzak aztertzen ari dira. Hala ere, epaia ezagutu aurretik onartu zituzten hipotekak sinatzeari ez diote utzi.
Auzitegi Goreneko presidentea ebazpena eman zuten Administrazioarekiko auzietako hirugarren sekzioko salako sei magistratuekin bildu izana eta epaia osoko bilkuran berriro aztertzea ezohiko kasua da.
Hipotekei lotutako zergak bankuek ordaindu behar zutela ebatzi zuen egunean, Espainiako Burtsan kotizatzen duten bankuek galera nabarmenak izan zituzten. Biharamunean, ebazpena berriro aztertuko zutela jakinarazi zuen Luis Maria Diez-Picazo hirugarren sekzioko salako presidenteak, "erabaki hark izan zuen eragin ekonomiko eta sozial handia kontuan hartuta".
2018ko otsailean, aipatu zerga bezeroek ordaindu behar zutela ebatzi zuen Auzitegi Gorena. Urriaren 18an, berriz, zerga hori bankuek ordaindu behar zutela erabaki zuen. Eta orain, bi asteko tartea hartu du erabaki definitiboa hartzeko.
Azken ebazpenari eusten badio, Ogasun Ministerioren arabera, 3.631 milioi euro itzuli beharko dizkiete bankuek azken lau urteotan –ebazpenak 2014ko urritik 2018ko uztaila bitartean sinatutako hipotekengan du eragina- izan dituzten bezeroei -1,5 milioi pertsona inguru-.
Erabaki honek Botere Judizialaren independentzia zalantzan jarri duela salatu dute hainbat epaile eta magistratuk. Ildo horretan, Demokraziaren Aldeko Epaileen elkarteak Luis Maria Diez-Picazo presidentearen dimisioa eskatu du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".