EAJrekin eta PSE-EErekin aurrekontu akordioa lortzea 'hurbil' ikusten du Otegik
Arnaldo Otegi EH Bilduko koordinatzaile nagusiak "gertu" ikusten du, 2019ko euskal Aurrekontuen aferan, EAJrekin eta PSE-EErekin akordioa lortzeko aukera. Horrek "milaka euskal herritarren bizi baldintzak hobetuko lituzke", eta, Otegiren ustez, "akatsa" litzateke, itzulipurdika ibiltzea eta akordioa saihestea, edo alargunen, pentsiodunen, gazteen eta emakumeen interesak defendatuko ez dituen beste alderdiren batekin kontuak adostea (PPri zeharkako aipamen eginda).
Onda Vasca irrati-katean egin dioten elkarrizketan, Otegi "baikor" agertu da akordioa erdiesteko "aukera dagoelako", eta esan du pentsio baxuenak osatzeko 350 milioi eta enplegurako 70 milioi bideratzea ez dela "hainbesterako". "Herrialde honek nahikoa aberastasun sortu du, beraz, alargunek eta pentsiodunek bi aldiz pentsatu gabe piztu beharko lukete berogailua neguan", gaineratu du.
Horregatik, beharrezkotzat jo du akordioa hitzartzea, "dirua dagoelako, eta diru hori zertan xahutzen den lehenesten jakin behar delako".
"Berehala bildu beharko ginateke, pentsioen sistema politiko bat diseinatzeko", azpimarratu du Otegik pentsioak Aurrekontu Publikoekin osatzea nahitaezkoa dela gogora ekarrita.
2019ko Udal eta Foru hauteskundeen ondotik, EH Bildurekin eta PSE-EErekin "aldaketa gobernuak" bultzatzeko Elkarrekin Podemosek egindako planteamenduaren harira, adierazi du ez duela gustuko izaten programarik ez duen alderdi baten mesederako, beste alderdi bat boteretik kentzea.
"EAJ erditik kendu nahi dute, baina zertarako?", galdetu du Otegik. Ildo horretan, lehenik eta behin helburuak finkatu beharko liratekeela azaldu du Otegik. "Udalerri batzuetarako aukera ona litzateke, baina oraindik urruti dagoen agertoki bat aurreratzen ari gara", zehaztu du.
Jose Luis Rodriguez Zapatero Espainiako Gobernuko presidente ohiarekin irailean izandako ustezko hitzorduaz ere galdetu diote, eta ergi utzi du hasieratik esan zuela ez zuela ezertxo ere kontatuko, "ezta bilerarik egon den zehaztuko ere".
Gizarte-Segurantzaren eskuduntza
Pentsioen eskuduntzari dagokionez, nabarmendu du Espainiako Gobernuari dagokion gai bat dela, "nahiz eta komeniko litzakeen gutxienez Gizarte-Segurantzaren eskuduntza berehala ematea, modu horretan pentsioen euskal sistema publikoa diseinatu ahal izateko".
Otegiren iritziz, EH Bilduk egindako proposamena ardatz hartuta, "ona" litzateke pentsioak Aurrekontu Publikoen bidez osatzea. "Guk hori egingo bagenu, etorkizuneko agertoki batera gerturatuko ginateke, mundu guztiak baitaki pentsio publikoak egoteko beharrezkoa dela horiek Aurrekontu Publikoen bitartez osatzea", bukatu du.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.