Euskal enpresen % 85ek baliabide gehiago bideratu nahi dituzte zibersegurtasunera
Euskal enpresen % 85ek baliabide ekonomiko gehiago bideratu nahi dituzte haien zibersegurtasuna hobetzera. Hala, edozein unetan gerta litezkeen ziber-erasoei eraginkortasunez aurre egin nahi diete. Izan ere, Ertzaintzaren aurrean salatutako delituen % 12 baino gehiago interneten erabilerarekin loturiko jardueren ondorio dira.
Datu horiek Arantxa Tapia Ekonomiaren Garapena eta Azpiegituretako sailburuak eta Estefania Beltran de Heredia Segurtasun sailburuak eman dituzte astelehen honetan, Basque Cybersecurity Centre (BCSC) - Zibersegurtasuneko Euskal Zentroak antolatutako Basque Cybersecurity Day ekitaldian. Nazioarteko zazpi herrialdetatik etorritako zibersegurtasunaren arloko hainbat eragile bildu dira Bilboko Euskalduna Jauregian.
Basque Cybersecurity Day ekimenaren lehen edizioa da honakoa, eta, besteak beste, gai hauek izan dituzte hizpide: enpresa txiki eta ertainek eta oro har gizarte osoa ziber-delinkuentziaren eta ziber-espioitzaren aurrean babesteko aholkuak eta sektoreko joera nagusiak.
Industriaren ikuspuntutik aztertuta, teknologia berrien garapenak “aukera eta erronka berriak” dakartzala nabarmendu du Segurtasun sailburuak. Dena dela, enpresen eta herritarren segurtasunari begira, “arriskuak eta mehatxuak ere” ekarri dezakeela ohartarazi du.
Ildo horretatik, Ertzaintzaren aurrean salatutako delituen % 12 baino gehiago interneten erabilerarekin loturiko jardueren ondorio direla nabarmendu du. “Internet bidez egindako mehatxu berriak nagusitzen ari dira: ziber-erasoak, datu pertsonalak lapurtzea edota ondarearen aurkako delituak”, esan du.
Gauzak horrela, enpresen esparruan nahiz esparru pribatuan gerta daitezkeen mehatxuak saihesteko “kontzientziazio eta sentsibilizazio” lan handia egin beharra dagoela esan du.
Beste alde batetik, “gero eta euskal enpresa gehiagok” interneten jarduten dutela azpimarratu du Arantxa Tapiak. Hala, lehen aldiz egindako topaketa horrek sortutako “ikusmin handia” nabarmendu du.
Hala, Industria Zibersegurtasuneko lehen programari esker 60 euskal enpresek beren burua babesteko aukera izan dutela ziurtatu du. Tapiak iragarri duenez, 2019ra begira, Jaurlaritzak milioi eta erdi euro inguruko aurrekontua bideratuko du enpresen zibersegurtasunean laguntzeko.
“Duela gutxi sortu berri diren enpresentzat zailagoa da zibersegurtasunera enpresa handiek bideratzen dituzten baliabide ekonomiko berak bideratzea. Lehiakorrak izaten jarraitzeko asmoa badugu, ihes egiten utzi ezin dezakegun tren bat da honakoa”, esan du Tapiak.
Zure interesekoa izan daiteke
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.