Gorenak atzera egin du, eta bezeroak behartu ditu hipoteken zergak ordaintzera
Egintza juridiko dokumentatuen gaineko zerga hipoteken bezeroek ordaindu beharko dutela adostu du gaur Auzitegi Gorenak. Ondorioz, atzera egin eta duela hiru aste ezarritako doktrina berriro aldatu du; izan ere, zerga bankuek ordaintzea ebatzi zuen.
Bi eguneko eztabaidaren ondotik, helegitea atzera botatzea eta urriaren 18ko epaiaren aurreko doktrina berreskuratzea erabaki du Administrazioarekiko Auzien Salak (aldeko 15 boto eta kontrako 13). Honenbestez, hipotekadunak zerga ordaindu beharko du.
Horrela, urriaren 16ra arte indarrean izan zen irizpidera itzuliko da Gorena, datozen egunetan argitara emango duen sententzian. Hipoteka jabetza-erregistroan aurkeztean, onuraduna bezeroa da eta ondorioz, zerga berak ordaindu behar du, Gorenaren arabera.
Urriaren 18an zabaldutako hiru sententzietan, aurreko doktrina baliogabetu zuen Gorenak, eta zerga bankuek ordaintzea erabaki zuen, subjektu pasiboa mailegu-emailea zela iritzita.
Bankuek 5.000 milioi euroko galera izan zuten egun bakarrean, burtsan. Luis Maria Diez Picazo salako presidenteak osoko bilkura deitu zuen orduan. Bilera astelehenean hasi eta ia 16 ordu luzatu da.
Erabakia berehala kritikatu dute kontsumitzaileen elkarteek. Zerga ordaindu behar ez izateko, mezu “engainagarriak eta alarmistak” zabaltzea egotzi dio Facuak finantza sektoreari. Hala ere, zoru klausulekin gertatu bezala, Europar Batasuneko Auzitegiak justizia egingo duela uste du bozeramaile batek.
Bestalde, erabaki judizialak errespetatzeko borondatea berretsi eta segurtasun juridikoa eskatu dute bankuek. Oraingoz azken erabakiaren inguruan ez dute espresuki iritzirik eman.
Astelehenean, Goreneko salak aurreneko osoko bilkura bukatu ondoren, IBEX 35 Espainiako Burtsaren adierazle nagusiak % 0,20 egin zuen gora, finantza sektoreak lagunduta. Gaur, ostera, % 0,24 egin du behera, 9.000 puntu galduta. Hala ere, asteazkeneko saioan galdutakoa berreskuratzea espero da.
Kontsumobidek gogora ekarri duenez, Euskadin ez da ordaindu behar ohiko etxebizitzaren hipotekaren gaineko zerga.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".