Amaitu da La Navaleko langileek ontziolan egin duten bigarren itxialdia
La Navaleko langileek zortzi orduko bigarren itxialdia egin dute bart Sestaoko ontziolan, hain zuzen ere, epaitegiek lan-erregulazioko espedientea onartu ondoren. Itxialdiari amaiera emateko, sirena jo dute eta hainbat pneumatiko erre dituzte enpresaren atarian. Horien esanetan, beharginak "indartsu" daude eta ez dute baztertzen itxialdi gehiago egitea.
Itxialdia astelehen gaueko hamarretan hasi eta astearte goizeko seietan amaitu da.
Ontziolako 177 beharginak kaleratzeko lan-erregulazioko plana onartu duela jakinarazi zion asteazkenean epaitegiak enpresari, eta enpresa-batzordeak jaso du jakinarazpena, enpresa-batzordeko iturriek azaldu dutenez.
Elkarrekin Podemos: "Erreskate publikoa legezkoa da"
Ingurumari horretan, La Navalen auzia konpontzeko erreskate publikoaren alde egin du Elkarrekin Podemosek. Ezkerreko koalizioaren hitzetan, ontziolari diru publikoarekin laguntzeak ez du Europako arautegia urratzen, epe ertain-luzera bideragarritasun plan bat badago behintzat.
Podemoseko bi legebiltzarkide Xabier Benito eurodiputatuarekin batera azaldu ziren astelehenean prentsaurrekoan. Benitok azaldu zuenez, azaroaren 8an Europar Batasuneko Lehiarako Bulegoko arduradunekin bildu zen, eta batzar hartan argi utzi ziotenez, Europako Batzordeak ez du oraingoz "La Navali eman ahal zaizkion laguntza publikoez adierazpen ofizialik egin".
"Likidazio prozesuaren ostean, diru publikoa sar daiteke ontziolan. Gakoa epe ertain-luzera bideragarritasun plan bat izatea da", azaldu zuen Benitok. Are gehiago, parte hartze publikoak ez duela mugarik argitu du (Jaurlaritzak % 49koa behar duela dio), eta Frantziako eta Italiako kasuak aipatu zituen.
Albiste gehiago ekonomia
Statkraftek proiektatuta zegoen parke eolikoaren ingurumen-inpaktu adierazpen negatiboa kritikatu du
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.