EAEko eguzki-parkerik handiena Araban egongo da, eta 67.000 panel izango ditu
Arasur Arabako industrialdean Euskadiko eguzki-parkerik handiena martxan egongo da urte bukaeran. Azpiegiturak 67.000 eguzki-panel izango ditu. Orduko 40.000 megawatt ekoitziko ditu urtean, 15.000 bat familiaren kontsumoa.
'Ekian' egitasmoa Energiaren Euskal Erakundeak (EEE) eta Krean talde pribatuak (Mondragon Korporazioa) bultzatu dute. Proiektua astelehen honetan aurkeztu dute ekitaldi publikoan. Iñigo Urkullu lehendakariak eta Arantxa Tapia Ekonomi Garapenerako eta Azpiegituretarako sailburuak parte hartu dute.
Lankidetza publiko-pribatuak sortu du Ekian, eta sektore zein esparru ezberdinetako enpresa talde bat erakarri du. Guztira, 24 milioi euroko ekarpena egingo dute, parkea eraiki eta martxan jartzeko. Proiektu aitzindaria da; izan ere, enpresak potentziaren zati bateko jabe izango dira.
Eguzki-parke fotovoltaikoa 55 hektareako lursail batek hartuko du Arasur industrialdean, Erriberabeitian. 355 watteko 67.000 eguzki-panel izango ditu parkeak. Guztira, 24 megawatteko potentzia izango du azpiegiturak. Urtean 40.000 megawatt orduko ekoitziko ditu, 15.000 bat familiaren kontsumoa, alegia.
Lanak martxoan hasiko dira, eta udazkenean proba fasea hasiko dute sarera konektatu ondoren. Urte bukaeran gaitasun osoarekin energia ekoizten hastea espero dute.
Euskadin tamaina ezberdineko 2.000 instalazio fotovoltaiko daude, ia 26 megawatteko potentziarekin. Horietako % 20 Energiaren Euskal Erakundeak kudeatzen ditu.
Proiektua Eusko Jaurlaritzaren estrategia energetikoaren parte dela nabarmendu du Iñigo Urkullu lehendakariak. 2030rako energia berriztagarriak % 115 areagotzeko helburua du estrategiak.
Eguzki energia berriztagarrien % 4,4 izatea nahi dute (orain % 1,4 baino ez da), 293 megawatteko potentzia, alegia.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.