2.100 langile kaleratuko dituzte Dia supermerkatuek
Diako administrazio-kontseiluak gehienez ere 2.100 langile kaleratuko dituela iragarri du, 2018. urtea 352,58 milioi euroko galerekin itxi ostean. Aurreko urtean, 2017an, 101,20 milioi euroko mozkinak izan zituzten.
"Dia eta Twins Alimentacion filiala sozietateen egoeraren analisiaren prozesuaren ondorioz, Dia eta Twinsen kaleratze kolektiborako prozedura legal baten hasiera hitzartu da gehienez 2.100 lan kontratu suntsitzeko, legean aurreikusitako baldintzak eta prozedurak beteta", esan dio enpresak Balore Merkatuaren Batzorde Nazionalari.
Horretarako, langileen ordezkariei (edo langileei) kaleratze kolektiboa garatzeko galdeketak hasteko asmoa helaraztea adostu du.
Gainera, behin Negozio Planaren diseinua eta aurkezpen prozesua beteta, 2018aren hasieran osatutako Estrategia Batzordeak bere helburuak bete dituela uste du administrazio-kontseiluak, eta desegin egin da.
2018an 7.228,8 milioi euroko sarrerak izan zituen, eta urtebete lehenago 8.210 milioi eurokoak izan ziren.
Emaitzak kaleratu dituen aste berean, LetterOnek, Mikhail Fridman inbertitzaile errusiarrak kontrolatzen duen eta enpresaren % 29 duen sozietateak, Dia erosteko eskaintza publikoa egin du.
Salaketa Fiskaltzaren aurrean
Dia supermerkatuek salaketa bat jarri dute Fiskaltzaren aurrean, kontuetan irregulartasunak antzeman ostean. Horrek aurreko urteetako emaitzak berrikustera eraman ditu, berriz kalkulatzeko.
Komunikatu batean, 2017ko ekitaldiaren gaineko "ikerketa forentse" baten ostean hartu dutela erabakia azaldu du enpresak, baina ez du irregulartasunen erantzuleak nortzuk diren zehaztu.
Gainera, KPMG kontu-ikuskariaren kontuen inguruko memoria plazaratu du Diak. Bertan, langileek eta taldeko zuzendariek egindako "praktika irregularrak" daudela ohartarazten da.
Txostenaren arabera, "ikerketak agerian jarri ditu langile eta zuzendari batzuek (Taldearen zuzendaritzako kide ohiak tartean) ustez egin dituzten praktika irregularrak, barne kontrolak saihestuta". Berriz errepikatu ez dadin zainketa protokoloak indartuko dituztela ere esan dute.
Zure interesekoa izan daiteke
Brent petrolio gordinaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zituen. Aliatuek Ormuzeko itsasartea berriz irekitzen laguntzen ez badute, NATOk "etorkizun txarra" izango duela ohartarazi du AEBko presidenteak.
Greba mugagabea hasi dute Tubos Reunidosek Amurrion duen lantegian, lan-erregulazioko espedientearen aurka
Gaueko txandan abiatu dute Tubos Reunidoseko Amurrioko langileek greba mugagabea, ostiralean lan-erregulazioko espedientearen kontsulta-aldia akordiorik gabe amaituta.
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.