Pedro Sanchez ez da La Navaleko langileekin bilduko, 'agenda beteegi' duelako
Sestaoko La Naval ontziolako langileek kontzentrazioa egin dute larunbat honetan Barakaldon, BECen aurrean, Alfredo Retortillo PSE-ren alkategaiaren aurkezpena zela eta, antolaturiko ekitaldiaren atarian. Pedro Sanchez Espainiako Gobernuko presidentea bertan izan da, baina ezin izan dute berarekin bildu, "agenda beteegi duelako". Hala jakinarazi zien atzo Idoia Mendia PSE-EEko idazkari nagusiak Juan Llorden La Navaleko langileen batzordeko idazkariak jakitera eman duenez.
Bilbao Exhibition Center parean, hainbat pankarta zabaldu dituzte langileek Enplegu Erregulazio Espedientea (EEE) salatzeko eta ontziolaren etorkizuna bermatzeko eskatzeko.
"Pedro Sanchezek argi utzi du ez duela sozialistatik ezer, eta are gutxiago langiletik, bere betebeharra baita borrokan ari diren langileekin biltzea eta Ezkerralde guztiko lanpostuak defendatzea" salatu du Llordenek.
Astebete edo bitan, Reyes Maroto Industria ministroarekin bilduko dira. "Orain arteko bilerak bezalakorik ez dugu nahi. Irtenbideak nahi ditugu" esan du Llordenek. Ildo horretan, "kaleratuak izatear" daudela gogorarazi du eta badagoela irtenbidea ere zehaztu du: "Gobernuak, SEPIren bidez, ontziolan geldiarazita dagoen draga bere gain hartu dezake, eta hori 20 hilabeterako lana litzateke La Navaleko 1.000 langilerentzat eta enpresa laguntzaileetako beste hainbesterentzat".
Aurreko asteazkenean izan zuten bileran Industria ministroari euren eskuetan dagoen txosten juridikoa ere helarazi ziotela adierazi du Juan Llordenek. Txosten horren arabera posible da Espainiako Gobernua, EAEkoa eta Bizkaiko Diputazioa, inbertsore pribatu batekin -akzioen gehiengo ez du izan behar azken honek- ontziolaren jabe bihurtzea. "Hasi daitezela bide horretan lanean".
Inbertsoreei dagokionez, "berririk ez" dutela jakinarazi du La Navaleko langileen batzordeko idazkariak : "Dakiguna da 14 hilabete daramatzatela inbertsore bila, duela bi aste Arantxa Tapiak esan zuen bi inbertsore oso gertu zirela, duela hiru egun esan zuen zantzuak zeudela eta egunero zerbait ezberdina esaten ari da" kritikatu du.
Ostegunean 2.000 pertsona baino gehiago bildu ziren Ezkerraldean egin zen manifestazioan, Navaleko lan-erregulazioko espedientearen eta itxieraren aurka protesta egiteko. Josu Bergara, Mikel Torres, Amaia del Campo eta Aintzane Urkijo (Sestao, Portugalete, Barakaldo eta Santurtziko alkateak, hurrenez hurren) ere izan ziren bertan.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.