Gatazka konpontzeko 'borondatea eta astia dagoela' esan dute sindikatuek
Beste egun batez, gizarte ekimeneko itunpeko ikastetxeetako langileek greba egin dute. Gaurkoa asteko hirugarren lanuztea izan da, ikasturte honetako hamazazpigarrena. Oraingoz, lan gatazkak ez atzera ez aurrera jarraitzen du. Sindikatuek, hala ere, gatazka konpontzeko "borondatea dutela eta ikasturtea amaitu aurretik denbora dagoela" esan dute gaur.
"Ez da aurrerapausorik egon. Protesten jarraipena ikusita, patronala negoziazio mahaian esertzea espero dugu", esan du Alain Garcia ELAko ordezkariak Bilbon, goizean egindako elkarretaratzearen ostean.
Sindikatuen arabera ostegun honetako grebaren jarraipena "erabatekoa" eta aurreko egunen antzekoa izan da, % 60 ingurukoa.
Kristau Eskola patronalaren arabera, berriz, grebaren jarraipena % 16koa izan da gaur. Bizkaian % 25eko jarraipena izan du; Araban, % 11; eta, Gipuzkoan, % 6.
Ikasleen gurasoak eta guraso elkarteak kezkatuta daude, greben eraginez ikasturtearen % 30 galtzea eragingo dielako, eta eta sindikatuei negoziatu nahi ote duten argitzea eskatu diete. "Esan dezatela publikoki negoziatu nahi duten ala ez", galdegin dute.
Hainbat haur jolastokian, greba egunean. Argazkia: EFE
Are gehiago, "arbitraje edo bitartekaritza batean" parte hartzea eskatu diete aldeei, gatazkari amaiera emateko. Sindikatuek, ordea, PRECO bitartekaritza organoaren esku-hartzea baztertu dute. Dena dela, negoziatzeko prest daudela berretsi diete patronalei eta Hezkuntza Sailari.
Sindikatuek elkarretaratzeak deitu dituzte 11:30ean, Bilbon, Donostian eta Gasteizen.
Asteartetik ostiralera, 250 ikastetxetako 9.000 langile inguru greba egitera deitu dituzte ELA, Steilas, CCOO, LAB eta UGT sindikatuek. 100.000 ikaslek ikasten dute zentro horietan. Lau greba egun horiekin batera, beste sei daude antolatuta apirilerako (1, 2, 3 eta 4) eta maiatzerako (8 eta 9). Urteak berritu gabe eman dituen hitzarmen berria eskatzen dute langileek.
Aurreko egunetan, grebaren jarraipenaren inguruko datuak oso bestelakoak izan dira, iturriaren arabera. Sindikatuen esanetan, % 60koa izaten ari da, % 22koa, patronalaren arabera.
Zure interesekoa izan daiteke
Euskadiko Medikuen Sindikatuak lau greba egun hasiko ditu asteartean, estatutu propioa baten aldarrian
Euskadiko Medikuen Sindikatuak greba egingo du Estatutu Markoaren zirriborroaren aurka egiteko. Negoziazioen aurrean, Estatutu propio bat aldarrikatu dute, horrek bakarrik lanbidearen berezko ezaugarriak islatu eta erregulazio espezifiko bat defenda lezakeela baitiote.
Txerri izurriaren birusarekin lan egiten duten zentroen auditoretza agindu du Generalitateak
Era berean, nabarmendu du agerraldia ez dela iritsi eremuaren barruan dauden 55 etxaldeetako bakar batera ere. Hartara, abeletxe horietako txerrien haragia Espainiako merkatuan kontsumitzen hasiko da.
Guggenheim patronatuak ezetz esango dio Urdaibaiko museoa eraikitzeari
EITB Mediak jakin ahal izan duenez, Urdaibaiko Guggenheimen etorkizuna abenduaren 16an argituko da. data hori aukeratu du patronatuak proiektuarekin zer egin aztertzeko. Badirudi alboratuta geratuko dela, bideragarritasunaren inguruko zailtasunak ikusita.
Metro Bilbaoren 4. lineak Matiko eta Alonsotegi lotuko ditu
Metroaren linea berria Matiko, Deustu, Parke, Moyua, Irala, Errekalde, Basurtu, Zorrotza eta Irauregiko geltokietatik igaroko da. Gaur, Eusko Jaurlaritzak eta Bizkaiko Foru Aldundiak 4. linea eraikitzeko eta finantzatzeko akordioaren xehetasunak aurkeztu dituzte.
Jauregik ziurtzat jo du bazkide berriak "helduko" direla Ayesaren erosketarako sortutako partzuergora
EH Bilduk ohartarazi duenez, operazioaren iragarpenak erosketa "garestitu" dezake oraindik erabat itxita ez dagoelako.
Aurrekaririk ez duen negozioa izango da Munduko Futbol Txapelketa
2023-26 planaren barruan, txapelketaren antolakuntzak 3756 milioi dolarreko aurrekontua du, eta 13.000 milioi dolar inguruko diru-sarrerak izateko aurreikuspena.
Confebaskek zalantzan jarri du ELAk herrialdeari egiten dion ekarpena, eta Lakuntzak erantzun du "hitzarmen gehien eta hoberenak" lortzen dituela
Tamara Yagüe Confebaskeko presidenteak kritikatu du sindikatuak borrokara jotzen duela "bide bakar gisa, elkarrizketaren eta negoziazioaren kaltetan".
Tamara Yague, Confebasken presidentea: "Zer ekarpen egiten dio ELAk herrialdeari?"
Tamara Yague Confebasken presidenteak mezu gogorra helarazi du ELA sindikatu nagusiaren aurka, sindikatuak patronalaren aurkako salaketa aurkeztu ostean. Yaguek kritikatu du sindikatuak borrokara jotzen duela bide bakar gisa, elkarrizketaren eta negoziazioaren kaltetan.
Oposizioko taldeek osoko zuzenketak aurkeztu dizkiete Arabako aurrekontuei
Oraingoz, Foru Gobernuak ez du aurrekontuak aurrera ateratzea bermatuta, eta elkarrizketak izaten jarraitzen du, batez ere Elkarrekin Podemosekin. Talderen baten babesa edo abstentzioa lortzen ez badu, aurtengo kontuak luzatu beharko ditu.
Sindikatuek greba mugagabea deitu dute urtarrilaren 27tik aurrera eta asteartero Osasun Ministerioari profesional guztientzako Esparru-Estatutua eskatzeko
Mahaiak Osasun Sistema Nazionaleko langile guztien lan-baldintzak hobetzea du helburu, sanitarioena eta ez sanitarioena, "salbuespenik gabe, pribilegiorik gabe eta distortsiorik gabe". Ministerioa sindikatu mediku batzukein Estatutua paraleloan negoziatzen ari dela kritikatu dute.