Jose Miguel Garcia, Euskalteleko kontseilari delegatu berria
Jose Miguel Garcia Zegona akziodun nagusiaren ordezkaria Euskalteleko kontseilari delegatu izendatu dute, Euskadiko enpresak Balore Merkatuaren Batzorde Nazionalari asteazken honetan jakinarazi dionez.
Garcia duela hilabete bakarrik sartu zen Euskalteleko kontseiluan, maiatzaren 7an, hain zuzen ere. Zegonako ordezkari bezala heldu zen, Erresuma Batuko konpainia akziodun nagusia bihurtu ondoren. Kapital sozialaren % 21 bereganatu zuen Zegonak.
2006tik 2015era Jazztel telekomunikazio enpresaren kontseilari delegatua izan zen, eta aurretik bere ibilbidea Cable & Wireless konpainian egin zuen.
Kontseilura heldu zenetik bere etorkizuna Euskalteleko kontseilari delegatu berria izatea zela zioten zurrumurruek, Zegonaren egitasmoak aurrera eramateko. Besteak beste, akzioen balioa igo nahi ditu Erresuma Batuko konpainiak. Administrazio Kontseiluak aho batez izendatu du.
Garciak Francisco Arteche ordezkatuko du. Artechek hiru urte eman ditu karguan.
Akziodun baten ordezkari gisa, Garcia ordezkatzeko, Eamonn O'Hare izendatu dute. O'Hare Zegonako presidente eta kontseilari delegatua da.
"Datozen urteetan Negozio eta Ekintza Plana eguneratzeko eta dinamizatzeko, eta Europan sektorearen egoera zailean erronka berriei aurre egiteko profesional egokia da; Euskaltel taldea hazkunde errentagarriko proiektua izateko helburu estrategikoak lortzea ezinbestekoa da, eta horretarako pizgarriak beharrezkoak dira", azaldu du Euskaltelek prentsa-ohar batean.
"Espainiako telekomunikazio merkatuan erreferentziazko eragilea izateko, Euskaltel taldearen indar baliotsuan konfiantza dut", adierazi du Garciak izendapenaren ostean.
Euskaltel "hazkunde errentagarriko proiektu" bat dela azpimarratu du Garciak, "balioa sortzeko beharrezko aktibo guztiekin". Kontseilari delegatuaren ahotan, taldeak "marka sendoak ditu merkatuaren aukera guztiak aprobetxatzeko, arrakasta ziurtatzen duten aktiboak".
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.