DSBE aldatzeko EAJren eta PSE-EEren proposamena tramitera onartu du Legebiltzarrak
Diru-sarrerak bermatzeko errenta (DSBE) aldatzeko, EAJren eta PSE-EEren lege-proposamenaren tramitazioa abiatzea adostu du Eusko Legebiltzarrak ostegun honetan. Ekimenak urtebete eman du geldirik, baina PPren abstentzioak tramitera onartzea ahalbidetu du orain.
Eusko Jaurlaritzari babesa ematen dioten bi alderdiek aurkeztutako lege-proposamena tramitera onartu du Gasteizko Ganberak. Bi alderdiek ez dute gehiengoa Legebiltzarrean. EH Bilduk eta Elkarrekin Podemosek kontrako botoa eman dute.
Duela urtebete eztabaida atzeratzea erabaki zuten EAJk eta PSE-EEk, adostasun zabalagoa lortu nahian; izan ere, orduan tramitazioa abiatzeko babes nahikorik ez zuen, eta eztabaida eguneko gai-zerrendatik kendu zuten.
Arauaren tramitazioa ostegun honetako osoko bilkuran abiatzea ahalbidetu du orain Alderdi Popularraren abstentzioak.
Pentsiodunei diru-sarrerak bermatzeko errenta bat sortzea planteatu dute EAJk eta PSEk proposamenean; pentsiorik baxuenak dituztenei gutxieneko baliabideak ziurtatzeko. Gehienez 784,88 euro izango lirateke familia bateko kide bakarrarentzako.
Era berean, bizikidetzako unitate bakoitzeko diru-sarrerak bermatzeko errenta bat ematea planteatzen du. Etxebizitza batean bizi diren pertsona guztiek osatuko lukete unitatea, "harreman juridikoa, afektiboa edo familiarra kontuan hartu gabe".
Diru-laguntzen zenbatekoa zehazteko, Gutxieneko Gastu Komunen Adierazle bat finkatzea proposatu dute bi alderdiek, eta Eusko Jaurlaritzak, gutxienez lau urterik behin, balio hori eguneratzeko txosten bat egingo luke. Urtero Euskadiko aurrekontu orokorretan ezarriko lukete, eta hasiera batean 455 eurokoa izango litzateke.
Proposamenaren arabera, bizikidetzako unitate baten kide bakarrarentzako DSBEren gehienezko zenbatekoa 659,75 eurokoa litzateke. Kopuru hori areagotuko litzateke, diru-laguntzaren jabeak ardurapean dituen pertsonen arabera, adingabeak, adinekoak, desgaitasunen bat duten pertsonak eta indarkeria matxistaren biktimak, besteak beste.
Bi diru-laguntzak eskuratu ahal izateko, pentsiodunena eta diru-sarrerak bermatzekoa, baldintza batzuk bete beharko dira: gutxienez 23 urte izatea; aldez aurretik gutxienez hiru urte erroldaturik ematea, bi adingabeen edo laguntzapeko pertsonen kasuan; eta gutxienez bost urte lan ordainduan jardun izana.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.