Euskal kofradiek hegaluzearen kuota erkidegoen artean banatzea eskatuko dute
Euskal kofradiek eskakizun zehatzak egingo dizkiote Espainiako Gobernuari Atlantikoko Hegaluzearen Kontserbaziorako Nazioarteko Batzordeak azaroan egingo duen bilerari begira. Batetik, arrain horren kuota erkidegoen artean banatzea eskatuko dute, eta bestetik, 2020rako harrapaketa-kopurua 1.000 tonatan handitzea.
Kanpaina gauerdian bukatuko da. Ordurako Espainiako Estatuak ezarrita zituen 16.620 hegaluze tona arrantzatuta egongo direla aurreikusi dute.
Aurelio Bilbao Bizkaiko Kofradien idazkariak nabarmendu duenez, hegaluzearen kuota berdelaren edo legatzarena bezala banatu beharko litzateke; hala, erkidego bakoitzak "nahi bezala kudeatuko luke".
Bizkaiko arrantzaleen bozeramaileak uste du "hegaluzea arrantza dezaketen ontzien zerrenda itxi" beharko litzatekeela; "ezin du edozeinek nahi beste arrantzatu", erantsi du. Azaldu duenez, "hegaluzea kostaldetik gertu egon da aurten, eta edozein itsasontzi txikik harrapatu ahal izan du; hori izan da gure arazo nagusia".
Kuota erkidegoen artean banatzearen beharra ere defendatu du: "Espainiako administrazioak arrantza guztiak banatu ditu, bi izan ezik, hain justu, osasuntsuen daudenak: antxoa eta hegaluzea. Erkidego batzuk kuota banatzearen kontra daude, eta Espainiako Gobernuak ez dio horri heldu nahi".
Bilbaoren esanetan, Bizkaiko eta Gipuzkoako arrantzaleek (Hondarribia, Getaria, Bermeo eta Ondarroa bezalako portuetan) 6.000 tona baino gehiago harrapatu dituzte hegaluzearen aurtengo kanpainan. Arrantzaleak "pozik" agertu dira arrainak kostaldetik gertu egon direlako eta hortaz, gasolio kostuak txikiagoak izan direlako, baina ohartarazi diete "arrantzatzen jarrai zezaketela", hegaluzea egon badagoelako oraindik. Lonjan kiloa 3,5 eurotan egon da batez beste.
Bizkaiko kofradiako idazkariak nabarmendu duenez, "orain 2020ko kuota handitzearen alde egin behar dugu, zaila izango da izapide burokratikoak tarteko. Espero dugu datorren urtean azken bietan gertatutakoa ez pasatzea: kanpaina abuztu amaieran amaitzea, urrira arte arrantzatzeko nahikoa hegaluze dagoenean".
Bilbaok esan du Eusko Jaurlaritza eta Espainiako Gobernua ere kuota handitzearen alde daudela. Hori bai, eskaera "ikerketa zientifikoak eskuan" egin behar dela uste du, espeziea arriskuan ez jartzeko. "Antxoarekin pasatu zitzaigun: arrantzatzeari utzi behar izan genion, eta ez dugu hori berriz gertatzea nahi", azaldu du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.