EAJk eta PSEk arau fiskala moldatzea adostu dute, baina helburua aldatu gabe
Bizkaiko Aldundiak errenta irregularrei zergak kentzea erabaki ostean sortutako polemikan atal berri bat idatzi dute gaur.
EiTBk jakin ahal izan duenez, gaur arratsaldean azken orduko bilera egin dute EAJko eta PSE-EEko zuzendaritzek Aldundiko gobernuan sortutako krisia bideratzeko.
Diru-sarrera handiko errenta irregularrei zergak kentzeko egindako erreformaren harira, jeltzaleek eta sozialistek araua moldatzea adostu dute, baina funtsari eutsita, hau da, inbertsio kudeatzaileak eta 'start up'ak erakartzeko helburuarekin.
"Bizkaia hobea eta lehiakorragoa"
Elena Unzueta foru bozeramaileak gobernu bileraren osteko prentsaurrekoan azaldu duenez, "Bizkaian ekintzailetza, enpresa berrien sorrera eta talentua bultzatzea" du helburu abuztuan onartutako dekretuak. "Bizkaia hobea eta lehiakorragoa nahi dugu, eta horretarako neurriak hartu behar ditugu enpresak, inbertsio funtsak eta talentua Bizkaira erakartzeko, bestela ez luketelako egingo", azaldu du.
Foru bozeramaileak kritikatu du "aldaketa fiskalak izango lukeen ondorioetako bati" erreparatu zaiola bakarrik, alegia Athleticeko jokalariei mesede egingo liekeela, baina azpimarratu du Foru Aldundiarentzat hori ez dela "garrantzitsuena". Unzuetaren arabera, "garrantzitsuena Bizkaiko enplegua sortzen laguntzea da, eta hori da, hain zuzen, neurri horren helburua, ez beste ezer".
PSE-EE
Idoia Mendia PSE-EEko idazkari nagusia haserre mintzatu da gaur polemikaz galdetu diotenean. Euskadi Irratiari eskainitako elkarrizketa batean, "zintzotasun falta" egotzi dio ahaldun nagusiari eta Ogasun diputatuari. Salatu duenez, "aldaketak abuztuan egin zituzten, testu oso kriptikoa erabiliz eta PSE-EErekin negoziatu gabe".
Bizkaiko Foru Aldundiak abuztuan onartu zuen Diru-bilketaren Araudiaren moldaketa. Ordura arte, "nabarmen irregularrak" zituzten errentak jasotzen zituzten zordunek irabazien erdien gainean zegokien zerga ordaindu behar zuten (beste erdia salbuetsita zuten), betiere 300.000 eurotik beherako irabazia bazen. Bizkaiko Aldundiaren aldaketak, ordea, muga hori ezabatu zuen, eta aurrerantzean errenta mota horiek ez dute PFEZa ordainduko, diru-sarreraren zenbatekoa zein den gorabehera.
Sozialistek euren ezinegona adierazi zuten joan den astean, eta "zuzenketa" eskatu zuten. Gaur bertan, foru gobernuan ordezkaritza duten bi diputatu sozialistek araua bertan behera uzteko galdegin dute.
Gipuzkoa
Bestalde, Gipuzkoako Aldundiak Bizkaikoari formalki eskatuko dio araua atzera botatzea, EAEko hiru lurraldeen arteko "zerga desarmonizazioa kudeaezina" izango litzatekeelako.
Albiste gehiago ekonomia
Elkarretaratzea egingo dute ostegunean Gasteizko Mercedesen bederatzigarren orduaren aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "alde batera uzten ditu kontziliazioa eta atsedena bezalako gaiak".
Gehiengo sindikalak 100.000 sinaduratik gora bildu ditu gutxiengo soldata propioaren alde eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta sinadura-bilketa ezarritako epea baino lehen itxi dute, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.
Maider Etxebarria: 'Lorezainen grebak kalkulu politikoengatik jarraitzen du, eta ez lan arazoengatik'
Maider Etxebarria Gasteizko alkateak, Radio Vitorian egindako elkarrizketa batean, adierazi du gaur PRECOn akordio batera iristea nahi duela, ulertezina iruditzen zaiolako greba bat hainbeste luzatzea. Era berean, ziurtatu du proposamen bat egon dela mahai gainean, eta sindikatuek baztertu egin dutela, kalkulu politikoengatik, laneko arazoak kontuan hartu gabe.
Talgok gora egin du burtsan, Espainiako Gobernuak konpainia erosteko operazioan SEPI sartu egingo dela baieztatu berritan
Talgoren akzioek % 3 inguru egin dute gora gaur goizean, baina igoera % 2,83raino apaldu da gero, eta akzioaren prezioa 3,09 € da.
Jauregik espero du "bi hilabeteren buruan" Talgoren Akziodunen Batzarrak operazioa onartzea eta prozesua amaitzea
Mikel Jauregi Eusko Jaurlaritzako Industria sailburuak azpimarratu du prozesu honetan "abentura asko" egon direla, eta "zaila" eta "espero baino luzeagoa" izan dela, baina nabarmendu du SEPIk parte hartzea onestea "ezinbesteko urratsa" dela Talgoren afera konpontzeko.
Bingen Zupiria, Ertzaintzaren lan-eskaintza publikoaz: "Ertzain izateko ikasi egin behar da eta agian batzuek ez dute behar beste ikasi"
Euskadi Irratian egin dioten elkarrizketan Bingen Zupiria Eusko Jaurlaritzako Segurtasun sailburuak azpimarratu duenez, Ertzaintzarako lan-eskaintza publikoko azterketak prestatu dituztenek ez dute inolako hanka-sartzerik egin. Poliziagaien % 90ek ez dute gainditu azterketa, eta Zupiriaren esanetan, hori gertatu da askok azterketa eredu bakar bat prestatu dutelako, "kontuan hartu gabe eredu gehiago egon daitezkeela". Halaber, argi adierazi du hurrengo 30 urteetarako agenteak prestatuko direla orain, eta exijenteak izango direla.
Gasteizko lorezainak berriro bilduko dira enpresarekin, gatazka desblokeatzeko beste saiakera batean
Azken orduko mugimendua ELA sindikatuak eskatuta egingo da. Atzo, sindikatuak proposamen berri bat aurkeztu zien oinarriei, eta bozketan ontzat eman zuten. Abuztuko oporraldiaren aurretik bideratu nahi dute egoera.