Itunpeko ikastetxeetako sindikatuak eta patronalak egunero bilduko dira
Bilera egin dute gaur goizean itunpeko irakaskuntzaren gatazkan nahasita dauden hiru aldeek —sindikatuak, patronala eta Eusko Jaurlaritzako Hezkuntza Saila—. Oraingoan, baina, Iñaki Varas Lan Harremanen Kontseiluko (LHK) bideratzailearen laguntza izan dute, eta negoziazio prozesurako egutegia adosteko gai izan dira.
ELA, Steilas, LAB eta CCOO sindikatuek hilabeteko greba deitu dute, azaroaren 7an hasita. Ordura arte egunero bilduko dira hiru aldeak, greba saihesteko eta gatazkari irtenbidea emateko asmoz.
Bihar, bideratzaileak aldebiko bilerak egingo ditu sindikatuekin eta patronalekin. Alabaina, hurrengo batzarretan hiru aldeak elkarrekin izango dira.
Varasek elkarrizketa prozesuan eztabaidatzen diren gaien harira diskrezioz aritzea eskatu die aldeei.
Atzo, hiru ordu pasatxoko bileraren ostean, akordioa lortu zuten hiru aldeek. Gatazkarako "ad hoc" elkarrizketa-prozedura bat onartu zuten, Euskal Hezkuntza Saila barne hartuko duena.
Miren Zubizarreta (ELA), gurasoekin hitz egiten. Argazkia: EFE)
Gurasoen Elkarteek, sindikatuei: "Ez utzi negoziazioari antzerkia izaten"
Gurasoek elkarretaratzea egin zuten atzo LHKren egoitzaren aurrean. Nabarmendu zutenez, Hezkuntza Saila "lehen aldiz eseri da" sindikatuekin eta patronalarekin: "Bilera horrek inflexio-puntua izan behar du, gatazkari irtenbidea emateko; ezin da hamar urteko negoziazioaren buruan akordiorik ez egon. Eskatzen dizuegu ez uzteko honi antzerkia izaten, ez irteteko eta 5 minutura sartu, mesedez", esan zieten sindikatuei bilera hasi baino lehen.
Ikasleen gurasoek azaldu zutenez, "seme-alaben hezkuntzaren defentsan" ari dira. "Eskubide konstituzionala da, eta hura urratzen ari dira. Ez dugu inoiz onartuko gure seme-alabak trukerako txanpona izatea lan-gatazka bati irtenbidea emateko", ohartarazi zuten.
Gurasoen esanetan, "hemen, gure seme-alabak dira kaltetu bakarrak. Eskola-ordu asko ari dira galtzen, eta hilabeteko greba dute aurrean; horrek eskola-galerak ekarriko lituzke, bai eta ikasgaietan atzerapenak ere".
"Etapa guztietan da oso kaltegarria: Haur Hezkuntzako umeentzat oso tristea da egunero irakasle desberdin bat izatea; Lehen Hezkuntzako umeentzako berdin, ezagutzak finkatzen ari baitira; eta Batxilergokoek notak behar dituzte, Unibertsitatera sartzeko, eta hori galarazten ari zaie", deitoratu zuten.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.