Alokairuko auto txoferdunen dekretuak legezkotasuna betetzen duela dio Jaurlaritzak
Ekonomiaren Garapen eta Azpiegitura sailburu Arantxa Tapiak ostiral honetan adierazi duenez, alokairuko auto txoferdunen gaineko Eusko Jaurlaritzaren dekretu-proiektuak legezkotasuna betetzen du. Hortaz, horren tramitazioarekin jarraituko dute, Lehiaren Euskal Agintaritzaren txostena gorabehera, zeinak dekretuaren neurri batzuk "diskriminatzailetzat" eta "murriztailetzat" jotzen dituen. Hain zuzen, alokairuko auto txoferdunak gutxienez hogeita hamar minutuko aurrerapenarekin hartzeko beharrari egiten dio aipamena.
Basaurin galdetu diote horri buruz Arantxa Tapiari, bisita egin baitu Sidenorrek bertan duen fabrikan. Tapiak esan du errespetatzen duela Lehiaren Euskal Agintaritzaren txostena, baina zehaztu du Eusko Jaurlaritza prestatzen ari den dekretuak "guztiz betetzen duela indarrean dagoen legea", eta Jaurlaritzak "garraio moduak arautzeko eskumena" duela.
Azaldu duenez, testuaren jatorria "Sustapen Ministerioaren iazko errege dekretua da", eta, gainera, "Lur Garraioko Antolamenduaren Legea bete behar du. Guztiz betetzen du", adierazi du.
Sustapen Ministerioaren eta Estatuko Abokatutzaren aldeko txostenak
Sailburuak ziurtatu du, horrez gain, Sustapen Ministerioaren eta Estatuko Abokatutzaren txostenak "aldekoak" direla: "Horrek esan nahi du legezkotasunarekin bat egiten ari garela".
Tapiak berretsi du Jaurlaritzak "guztiz" errespetatzen duela Lehiaren Euskal Agintaritzak dioena, baina, zehaztu duenez, horrek, "batzuetan, ibilgailuak erabiltzen dituzten plataformei egiten die aipamena"; Jaurlaritzaren dekretuak, baina, "ez du jarduera hori arautzen; izan ere, jarduera pribatua da".
"Guk arautzeko eskumena izan behar dugu; alegia, taxiaren bidezko eta lizentzia berezia duten auto txoferdunak erabiliz egindako lur-garraioa arautu ahal dugu", gehitu du. "Erregistroak egiteko beharra legezkotasunarekin bat doa, bai eta aldez aurretik kontratatzeko beharra eta ibilgailuak euren basean edo taxi-geltokietan egoteko derrigortasuna ere (hau da, ez errepidean)".
Zerbitzua gutxienez hogeita hamar minutuko aurrerapenarekin kontratatzeko derrigortasunaz, Tapiak esan du Estatuko errege dekretuak zehazten duela "gehienez hemendik lau urtera, alokairuko auto txoferdunek hiriarteko garraioa egin beharko dutela soilik, ez hirikoa"; hortaz, "hiriarteko arloan lan egiten duten Euskadiko lizentziak kontuan hartuz gero, 30 minutu horiek, oztopoa baino gehiago, eskatzen duenarentzako bermea dira".
Gutxienez hogeita hamar minutuko aurrerapena
Lehiaren Euskal Agintaritzak ostegun honetan aurkeztu du bere txostena, eta Arantxa Tapiak horren harira egin ditu adierazpenak. Txostenean "diskriminatzailetzat" eta "murriztailetzat" jotzen da erabiltzaileek gutxienez 30 minutuko aurrerapenarekin kontratatu behar izatea alokairuko auto txoferdunen zerbitzua.
Lehiaren Euskal Agintaritzaren iritziz, dekretu-proiektuan ez dago "inolaz ere ez" egiaztatuta neurriak 2018ko errege lege dekretuak ezarritako helburura bideratuta egotea. Errege lege dekretu horren helburua da autonomia-erkidegoen araudiek bidaiarien barne-mugikortasuna hobetzea bilatzea edo zerbitzuak emateko baldintzak modu eraginkorrean kontrolatzen direla bermatzea.
Zure interesekoa izan daiteke
Donostiako taxilariek ohartarazi dute Uberrek hiriarteko zerbitzua eman dezakeela soilik
Roberto Azofrak, Donostialdea Sociedad de Servicios elkartearen presidente eta Agitaxen lehendakariordeak, ikuskapenak egiteko eskatu die udal agintariei, jakinda Uber, legez kanpo, hiri barruan zerbitzuak eskaintzen ari dela.
Felipe Fernandez Aramburu, Uberrek Espainian duen zuzendaria: "Indarrean dagoen araudi guztia betetzen dugu"
Uberrek Espainian eta Portugalen duen zuzendari nagusiak adierazi du "oso pozik" daudela Gipuzkoako hiriburura iritsi direlako. Fernandezek nabarmendu du iaz 300.000 pertsona baino gehiago sartu zirela Uberren aplikazioan Donostian. Administrazio guztiekin lan egiteko prest agertu da, etorkizunera begira esparru juridiko argia ezarri ahal izateko.
Maderas de Llodion 35 langile kaleratzeko erregulazio espedientea legearen kontrakoa dela ebatzi du EAEko Justizia Auzitegiak
Garnica multinazionalak Laudioko (Araba) lantegiko 35 behargin kaleratu zituen urrian, hasiera batean 39 kaleratze aurreikusten zituen arren. Sindikatuek enplegua erregulatzeko espedientearen aurka jarritako demanda aintzat hartu du EAEko Justizia Auzitegi Nagusiak, partzialki bada ere.
Hainbat orduz konektibitaterik gabe izan dira 100.000 enpresa inguru Estatuan, Movistarren intzidentzia batengatik
Matxurak Movistar Enpresen zerbitzuei eragin die goizean goizetik, eta arazoak eragin ditu hainbat lurraldetan, besteak beste, Euskadin.
Donostiara iritsi da Uber enpresaren VTC zerbitzua
VTC zerbitzua ematen duen AEBko konpainiak Donostia barruko zerbitzua eskainiko du, baita Donostiatik hasi zein Donostiara doazen probintzia barrukoak ere.
Tubos Reunidosek aurre-erretiroak eta eta kaleratze hitzartuak eskaini dizkie langileei
Sindikatuek ez dute ontzat eman zuzendaritzaren proposamena, eta barregarritzat jo dute. "Proposamen eskuzabala izango zela esan ziguten, eta dugu halakorik ikusi", esan du Andres Garcia Tubos Reunidosen Amurrioko langileen batzordearen presidenteak.
Papresako langileek lanuzteak hasi dituzte, enpresa sal dezaketelakoan eta laneko erregulazio espedientea ezarriko duelakoan
Enplegu-erregulazioko espedienteak 250etatik 110 langileri eragin liezaieke.
Greba eguna dute Tubos Reunidoseko langileek, eta deialdiek batzordeen eta zuzendaritzaren arteko bilerarekin bat egingo dute
Amurrioko lantegiko beharginek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun horietarako.
Bilboko portuan da Trumpek Venezuelako petrolioaren kontrola hartu zuenetik Europara heldu den lehen ontzia
Hilabete eta sei egun igaro dira Josu Jon Imaz Repsolen egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.