Sindikatu guztiak bat eginda, Frantziako Gobernuaren pentsio-erreformaren kontra
Hamar urtetan lehen aldiz, Frantziako bost sindikatuek bat egin dute eta elkarrekin atera dira kalera Emmanuel Macron presidenteak iragarritako pentsioen erreforma bertan behera uztea eskatzeko.
Edouard Philippe lehen ministroak asteazken honetan hasiko da sindikatuekin bilera egiteko egitasmoaz hitz egiteko.
Bezperan, sindikatuek greba jo dute berriro eta mobilizazio jendetsuak egin dituzte. Batuta badaude ere, iritzi ezberdinak dauzkate.
CGT sindikatuak erakutsi du orain arte jarrera irmoena; izan ere, plana oso-osorik erretiratzeko eskatzen dio Gobernuari. CFDT sindikatuak, berriz, jubilatzeko adina 62 urtetik 64ra luzatzeko proposamena bertan behea uztea exijitzen du.
Abenduaren 5ean abiarazi zituzten protestak eta gaur, lehen aldiz, grebarekin bat egin du CFDT sindikatuak.
Mobilizazioa Parisko Errepublikan hasi da eta bukaera zenbait istilu izan dira manifestari eta polizien artean. Beste behin ere, garraio publikoan eragin nabarmena izan du lanuzteak.
CGT sindikatuaren arabera, Frantzian, guztira, 1,8 milioi lagun atera dira kalera. Barne Ministerioaren arabera, berriz, 615.000 izan dira.
Philippe Martinez CGTko idazkari nagusiaren esanetan, protestak amaitzea agintari politikoen esku dago: “Gobernuak esan dezake, ados, herritarrak entzun ditugu eta lege-proiektua gelditu egingo dugu”.
Nolanahi ere, lehen ministro frantziarrak argi hitz egin zuen Asanblada Nazionalean: "Pentsioen sistema aldatu nahi dugu, sistema unibertsala ezartzeko. Eta horrek erregimen bereziak kentzea eskatzen du. Nire determinazioa eta Gobernuarena erabatekoa da".
Baionan, goizean goiz, Ipar Euskal Herrian zerbitzua ematen dituen autobus konpainiaren garajearen irteera blokeatu dute ehun bat manifestarik.
Biarritzeko aireportuan lau hegaldi bertan behera geratu dira eta trenbideetan lau trenetatik bat bakarrik egon da martxan.
Horrez gain, goizeko 10:30ean, grebalariek manifestazio jendetsua egin dute Baionan.
Zure interesekoa izan daiteke
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.