Garraiolari bat hil da Olaberrian, zamalanak egiten ari zela
Garraiolari bat hil da Olaberrian, Arcelor Mittalen lantegian, zamalanak egiten ari zela, LAB sindikatuak jakinarazi duenez; LABek nabarmendu du, halaber, 2013an, lantegi horretan bertan, honen antzeko beste istripu bat ere jazo zela.
Hildakoak 59 urte zituen, eta portugaldarra zen. Santillan enpresako langilea zen; enpresa horrek txatarraz hornitzen du Arcelor, azken konpainia horren iturriek esan dutenez.
Iturri horiek ere zehaztu dute langilea, lehen ikerketen arabera, lantegian txatarra deskargatuta, beste gidari batekin hitz egitera joan dela, eta, une horretan, kamioiak irrist egin duela eta beste ibilgailu baten aurka zanpatu duela. Segituan hil da.
Ikerketen ondorioen berri ez dute eman oraindik, baina badirudi garraiolariak ez dituela jarri altxagarriak kamioian.
Segurtasun Sailak, alabaina, istripua eguerdiko hamabiak aldera jazo dela soilik jakinarazi du.
Arcelor Mittaleko langile-batzordeak 24 orduko greba egingo du lan-istripua salatzeko. Lanuztea gaur gaueko 22:00etatik ostegun gaueko 22:00etara bitartean egingo dute.
Halaber, UGT sindikatuak zehaztu du lantegiaren aurrean elkarretaratzea egingo dutela 12:00etatik 14:00etara.
Zazpi hildako Euskal Herrian 2020an
Sindikatuak "elkartasuna" agertu die hildako langilearen senideei eta lagunei. Horrez gain, salatu egin du biktima "Euskal Herrian hil den zazpigarren langilea" dela "hasi berri den 2020 honetan".
LABek adierazi duenez, lehen datuak aztertuta, garraiolaria "lantegian zebilen lanean, eta ibilgailua zamalanak egiteko ari zen prestatzen; orduan, ibilgailua gainera etorri zaio, eta zanpatu egin du".
Azaldu du 2013an kamioilari batek istripu oso antzekoa pairatu zuela lantegi horretan bertan; hortaz, mobilizaziorako deia egin du, "gizarteak eta langileek esateko 'aski da', lan-istripuek dakarten giza sarraski honen aurrean".
Azkenik, LABek iragarri du ondorengo orduetan saiatuko dela antolatzen "erantzun bat, ahalik eta pluralena, eta arlo guztietan".
Zure interesekoa izan daiteke
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.