Gutxieneko soldataren igoerak EAEko langileen % 7ri eragingo die
Gutxieneko soldatak eragiten dien EAEko langileen ordainsariak % 5,5 igoko dira, 950 euroraino hilean, Espainiako Gobernuak, sindikatuek eta patronalak adostutako akordioaren ondorioz. Euskal Herriko Unibertsitateko (UPV/EHU) Sara de la Rica Ekonomiako katedradunaren arabera, langileen %7 inguru dira.
2019an euskal lan merkatuak izandako eboluzioaren inguruko prentsaurreko batean, igoerak garbiketa, janari azkarra… bezalako lanetako langileei eragingo diela nabarmendu du katedradunak.
Adostutako igoera "txikia" dela eta ez diola lanari eragingo adierazi du. Gainera, aurreko igoerak lanpostuak suntsitu izanaren frogarik ere ez dagoela gaineratu du.
Soldaten debaluazioaren ondoren "soldatak igotzen hasi behar da", adierazi du adituak. Horrez gain, soldatak ez badira "bide normaletatik" igotzen, "jarduera berreskuratzean soldata batzuk ez direla duinak aldarrikatu behar da", azpimarratu du.
Hala ere, gutxieneko soldataren igoerarekin "kontuz ibili behar da" abisatu du, "zeharkako efektuak" enpresa txikiei eragin baitiezaieke gizarte laguntzen eta beken moduko arloetan.
Azken lan erreforma aldatzeko aukerari dagokionez, erreformak ez duela bete iragankortasuna murrizteko helburua bete nabarmendu du de la Ricak, eta araua "kontratazio mugagabea" izateko aldaketak egitera deitu du.
Hitzarmenen baliozkotasun mugagabea berreskuratzeak izan ditzakeen "kalteak" azpimarratu ditu adituak. Adierazi duenez, "ez badago pizgarri argirik, egoera zurrunetan egonkortu gaitezke".
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".