Volkswagenek prest du Nafarroako lantegia aldi baterako ixteko lan espedientea
Nafarroako Volkswageneko zuzendaritzak eta sindikatuek aldi baterako lan-erregulazioaren espedientea sinatuko dute gaur, asteartea, eta koronabirusaren izurriteak Iruñeko lantegiko ekoizpenari eragingo balio ezarriko lukete bakarrik.
Hala, 2018an ezarritako espedientea oinarri hartuta, proposamen berria egin dio Landabeneko Volkswageneko enpresako zuzendaritzak enpresa batzordeari, kasu honetan, koronabirusak sortzen duen ziurgabetasunaren eraginez lantegia abendura arte ixtea aurreikusiz.
Txinan, Iruñeko lantegian ekoizten diren T-Cross eta Polo modeloetako 80 pieza baino gehiago ekoizten dituzte, baina osagai horiek gordetzeko tokia soberan dutenez eta Landabeneko Volkswagenera hegazkinez bidaltzen dituztenez, Asiako herrialdean bizi duten egoerak ez du kalterik eragin Nafarroako Volkswagenen.
Italiako iparraldean, ordea, konplexuagoa da egoera, hornitzaileak Lombardia, Veneto eta Piamonte bezalako eskualdeetan baitaude, eta haien biltegiratze-ahalmena oso txikia da. Ondorioz, hiru edo sei egunez soilik hornitu ahal izango lirateke piezak, eta horien gabeziak erabat geldiaraziko luke Iruñeko ekoizpena.
Sindikatuek ontzat jo dute zuzendaritzarekin lortutako akordioa; izan ere, lantegia aldi baterako ixteko akordioa aplikatuko balitz, bermatuta egongo lirateke Nafarroako Volkswageneko beharginen lanpostuak eta soldatak.
Bestalde, LAB sindikatuak akordio hori salatu du, eta azpimarratu duenez, "gaur egun bizi dugun prekarietatea eta ziurgabetasuna areagotu daiteke koronabirusaren eraginez urte amaierara arte luzatuko litzatekeen aldi baterako lan-erregulazioaren espedientea gauzatuz gero".
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.