Akordioa lortu dute Gasteizko Mercedesen, lan erregulazio txostenaren inguruan
Gasteizko Mercedes-Benz enpresako zuzendaritzak eta enpresa batzordeak akordioa lortu dute koronabirusaren eragina dela eta aurkeztuko den aldi baterako lan erregulazio espedientearen inguruan.
Ordezkaritza duten sindikatu guztien babesa du akordioak (UGT, ELA, CCOO, PIM, Ekintza eta ESK), LABena izan ezik.
Zuzendaritzak azaldu duenez, adostutako neurriek ERTE edo aldi baterako enplegu erregulazio espedientea indarrean sartzea ahal den gehiena atzeratu nahi dute eta langabeziako ordainsaria %80ra arte osatuko du enpresak.
Aurreko asteartean, zuzendaritzak aldi baterako erregulazioa iragarri zuen, koronabirusa dela eta produkzioa etenda zegoelako. 5.000 langileri eragiten zion neurriak eta ez zuen horientzat "inolako konpentsaziorik" aurreikusten.
Ondorengo egunetan hainbat elkarrizketa izan dituzte, eta azkenean, aurreakordioa egitea lortu dute. Gaur bertan berretsi dezakete langileek akordioa.
Gakoak
Mercedesek aldi baterako erregulazioa ahal den guztia atzeratzea eskaini du, eta horretarako, indarrean sartu aurretik, aurreko urteetatik hartu gabe dauden opor egunak gastatzea proposatzen du, baita positiboan dauden orduak, abenduko lau jaiegun aktibagarriak martxoaren 16, 17, 18 eta 20ra igarotzea eta ordu-poltsako lau egun erabiltzea.
Modu paraleloan, langileek erregulazio aldian kobratuko duten prestazioa (Espainiako Gobernuaren dekretuak soldataren %70ean uzten du) zuzendaritzak %80ra igotzea proposatu du eta ez ukitzea aparteko ordainsariak, oporrak eta BGAEak.
Bestalde, produkzioari berrekiten diotenetik urtebeteko epean inor ez kaleratzeko konpromisoa hartzen du. Denbora horretan, beharrezkoa balitz, beste antzeko espedienteber bat eskatuko litzateke, eragingo liekeen langileei lanari eustea bermatzeko moduan.
Mercedesen aldi baterako erregulazioa apirilaren 11n, larunbata, amaitzea aurreikusten da eta produkzioari 14ean, asteartean, berrekitea, Aste Santuko oporren bueltan, baina espedientearen balizko luzapena "gertatzen denaren arabera berrikusiko da" eta "osasun alarmak irauten duenaren araberakoa" izango da, enpresatik jakitera eman dutenez.
Ohar baten bidez, ELAk ontzat eman du akordioa "krisi egoeraren hasieratik langileek izan duten lehentasuna bermatzen baitu, langileen osasuna babestea".
"Mercedes-Benzentzat ez da inoiz lehentasunezkoa izan ia 5.000 pertsonaren osasuna" salatu dute eta "ez zuten inolako neurririk hartzeko asmorik. Beraz, akordioa egon bada, langileon konpromisoagatik, borrokagatik eta elkartasunagatik izan da" gaineratu dute.
"Orain enpresak esan nahiko du borondate onaren emaitza dela akordio hau, baina badakigu ez dela horrela. Eskaintza hau beldurraren zein presio mediatikoaren estrategiak ez diela balio ikusi dutenean iritsi da" ohartarazi dute. Era berean, EAEko zein Espainiako Gobernuak kritikatu ditu ELAk, "enpresen interesen alde jartzeagatik".
Albiste gehiago ekonomia
Lodosako Karey Solanok konkurtsoa aurkeztu du lantegia itxi eta 36 langileak kaleratzeko
Langile gehienak antzinatasun handikoak dira, eta batez beste 50 urtetik gorakoak. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.