Lantegi handiak ixten hasi dira egun batzuetarako
Asteburuan ia etxetik atera gabe egotera behartuta egon ostean, lehenengo lan egunean enpresa handiak ere hasi dira neurriak hartzen beharginen osasunari begira.
Hala, Nafarroako Volkswagenek atzo erabaki zuen lantegiaren jarduera bertan behera uztea koronabirusagatik, berriro jarduerari ekiteko data zehatzik jarri gabe. 5.000 langile baino gehiagori eragiten die
Langileen ordezkariak eta enpresarekin gaur elkartuko dira langileen osasuna bermatzeko neurriak aztertzeko.
Espainiako Estatuko lantegi guztiak itxiko ditu Michelinek ere, Lasarte-Oriakoa eta Gasteizkoa barne, zortzi egunez, "prebentziozko neurri" gisa, langileen eta euren familien osasuna bermatzeko eta koronabirusaren hedapena geldiarazten laguntzeko.
Gaur goizean bertan, berriz, CAF eta Irizar batu zaizkie geldialdian.
Hala, Gipuzkoako Goierrin trenak egiten dituen lantegiak hiru eguneko itxialdia agindu die ia 3.000 langileei, eta gaur sindikatuak eta zuzendaritza aldi baterako lan erregulazioa negoziatzen hasiko dira.
Azaldu dutenez, langileen arteko distantzia ezin delako zaindu, tresnak partekatzen dituztelako eta beste prebentzio neurri batzuengatik hartu dute erabakia. Dena den, galdutako lan orduak berreskuratu egin beharko dituzte langileek.
Bestalde, Irizar autobusak egiten dituen kooperatibak ere hiru eguneko geldialdia iragarri du Ormaiztegin (Gipuzkoa), langileen osasun arriskua txikitzeko estrategien kudeaketa aztertzeko.
Ezarritako zerbitzu minimo batzuetako langileak soilik joan beharko dira lan egitera.
Gasteizko Mercedes, 14:00etatik aurrera
Bestalde, Gasteizko Mercedes-Benz lantegiko enpresa batzordeko beharginek eserialdia egin dute ekoizpenaren amaieran, enpresak jarduera bertan behera utz dezala eta lehentasuna osasuna izan dadila exijitzeko.
Protesta hori egin eta ordubete ingurura, UGTk iragarri du zuzendaritzak etsi egin duela eta 14:00etan jarduera etengo duela. Azaldu dutenez, arratsalde eta gaueko txandetan, langile jakin batzuei deituko diete lantegiko makinen mantentze lanak egin ditzaten.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.