Etenaldia guztiontzat berdina izango dela erantzun dio Espainiako Gobernuak Urkulluri
Espainiako Gobernuaren ezohiko Ministroen Kontseiluak bihartik hasi, eta bi astez, oinarrizkoak ez diren sektoreen jarduna eten duen dekretua onartu du goizean, atzo Pedro Sanchez presidenteak iragarri bezala.
Erabaki hori ez du begi onez ikusi Iñigo Urkullu lehendakariak. Hala, bart gutuna bidali zion Sanchezi, zein jarduera eten erkidego bakoitzak erabaki ahal izatea eskatuz, eta gaur, dekretu horren "inposizioa" salatu du, Ministroen Kontseiluaren ostean Espainiako presidenteak eta autonomia erkidego guztietako presidenteek egin duten bideokonferentzian. Urkullu eta Nuñez Feijoo Galiziako presidentea izan dira enpresak itxiko dituen dekretuaren aurka agertu diren bakarrak.
Azken egunotan etenaldi horrek "koma ekonomikoa" ekarriko zuela esan izan du Urkulluk eta ildo beran, gaur Feijook esan du ez duela uste "neurri honen ondorioak behar bezala aztertu direnik".
Dena dela, Euskadik "erantzukizunez" jokatuko duela ere esan dio Urkulluk Sanchezi.
Oinarrizkoak ez diren sektoreen behin-behineko etenari dagokionez, Arantza Tapia Jaurlaritzako Industria sailburuak ere esan du industriaren eta eraikuntzaren itxierak sortuko duten krisi ekonomikoa "denborarekin, orain koronabirusak eragin duen osasun krisia baino larriagoa" izan daitekeela.
Espainiako Gobernuak, baina, argi du hau dela neurri hauek ezartzeko une egokia. Azken 24 orduetan, izan ere, 838 pertsona hil dira Estatuan.
Hala, gaur onartutako konfinamendua gogortzeko neurriak Estatuko autonomia erkidego guztietan aplikatzea defendatu du, salbuespenik gabe, Maria Jesus Montero Ogasun ministroak. "Ez du zentzurik erkidegoen artean desberdintasunak egiten hasteak, birusak ez baitu ez muga, ez ideologia, ez klaserik bereizten" argudiatu du Monterok.
Kontseiluaren ostean eman duten prentsaurrekoan, Monterok adierazi du erkidego guztiek "berdin jokatzea" "oinarrizkoa eta behar-beharrezkoa" dela koronabirusari aurre egiteko.
Europar Batasun osoak ere "modu berdinean" jokatu beharko lukeela gaineratu du, baina Estatu bakoitza subiranoa denez, ezin dela "agindu" horrelakorik, baina Espainiako Estatuaren muga barruan "guztiok berdin jokatu behar dugu; bestela, batzuen esfortzuak ez du emaitzarik emango" esan du Montero ministroak.
"Ez da banatuta aritzeko unea eta ezberdintasunak nabarmentzekoa baizik eta herritarrei mezu bakarra bidaltzekoa" nabarmendu du. "Izango da geroago denbora kargu hartu edo egin nahi diren ñabardurak egiteko"
Oinarrizkoak ez diren sektoreetako langileak, 15 egunerako etxera
Bihartik apirilaren 8ra arte, funtsezkoak ez diren jardueretan aritzen diren enpresek geldialdia egingo dute eta langileak etxera bidali 15 egunerako.
Langileek geroago errekuperatu beharreko ordaindutako baimena izango dute.
Sindikatuek eskatu dute lanera joan behar izango duten langile guztiak EPI edo babes ekipo indibidualarekin eta koronabirusaz ez kutsatzeko behar diren neurriekin aritzea.
Patronala etenaldi honen oso kontra agertu da. Sindikatuek, aldiz, begi onez ikusi dute. Hori bai, ELAk eta LABek esan dute "berandu iritsi dela erabakia".
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.