Errenta online egitera animatu du Gipuzkoak eta modalitate mekanizatua atzeratu du
2019ko errenta kanpainaren aitorpena online aurkezteko eskatu die Gipuzkoako Ogasunak lurraldeko zergadun guztiei, "etxetik mugitu gabe". Kanpaina honetan, errenta aitorpena aurkezteko modalitate mekanizatua atzeratu egin dute, datarik gabe, COVID-19a dela eta.
Jabier Larrañaga Ogasun eta Finantzetako foru diputatuak, Jokin Perona Ogasuneko zuzendariak eta Yolanda Dominguez Zerga Kudeaketako zuzendariordeak agerraldi birtual batean aurkeztu dituzte kanpainaren berrikuntza nagusiak. Astelehenean hasiko da kanpaina, egungo alarma-egoerak baldintzatuta.
Larrañagak argitu duenez, gaur egun "ez dute aurreikusten" errenta mekanizaturik gabeko agertoki bat, baina baliteke modalitate horren epea aurreko ekitaldietakoa baino laburragoa izatea. Nolanahi ere, "egoera normalizatu arte" itxaron beharko da datak jartzeko.
Foru diputatuak azpimarratu duenez, kanpainaren % 100 modu telematikoan egitea da helburua, eta zergadun guztiak animatu ditu aitorpenak online aurkeztera. Izan ere, Ogasunak bide berriak jarri ditu izapide hori errazteko, telefono bidezko arreta-zerbitzuan lan egiten duten langileak nabarmen indartuko direlako (943 113 000), urrats guztietan lagunduko dutelako eta ekintza hori beste pertsona baten esku uzteko prozesua erraztuko delako.
Larrañagak "beldurrik ez izateko" eskatu die herritarrei, eta aitorpena Zergabide plataformaren bidez aurkeztera ausartzeko. Plataforma horrek garrantzi berezia hartuko du kanpaina honetan. Orain arte bezala, autolikidazio proposamena deskargatu, aldatu eta onartu ahal izango da, baita Ogasunak dituen zerga datuak eskuratu ere, behar izanez gero osatzeko eta izapide osoa amaitzeko.
Pandemia dela eta, hilabete batez luzatu behar izan dira, uztailaren 29ra arte, kanpainaren datak. Bertan, aurreikusita zegoen bezala, Ogasunak bidalitako 257.714 autolikidazio proposamenak datorren astelehenetik aurrera onartu ahalko dira. Internet bidezko aitorpenak apirilaren 15etik aurrera aurkeztu ahalko dira.
Kanpainaren datu nagusiei dagokienez, Aldundiak 390.000 aitorpen jasotzea espero du, aurreko kanpainan baino 7.000 gehiago, eta guztira 288,8 milioi itzultzea eta 264,2 milioi jasotzea aurreikusten du; beraz, Ogasunak 24,6 milioiko saldo negatiboa izango du.
Ondarearen gaineko Zergaren kanpainari dagokionez (apirilaren 15etik uztailaren 29ra bitartean egingo da), aurreikuspenen arabera, 60,9 milioi euro bilduko dira, aurreko urtean baino % 2,2 gehiago.
Ogasunak 7.950 aitorpen tramitatzea espero du, aurreko ekitaldian baino 103 gehiago, eta horietako bakoitzak, batez beste, 7.660 euro sartuko ditu Foru Aldundiaren kutxan. Igoera hori batez ere burtsako merkatuek 2019an izandako portaera positiboak eragingo du.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.