Eusko Jaurlaritzak PCR probak egingo dizkie ontziratzen diren arrantzale guztiei
Eusko Jaurlaritzak PCR probak egingo dizkie ontziratzen diren arrantzale guztiei, lanaren nolakotasunek sortzen dituzten zailtasunengatik, hola nola, lanerako espazio mugatuagatik eta arrantzan aritzeko egin behar dituzten maniobrengatik.
Arantxa Tapia Ekonomiaren Garapen eta Azpiegituretako sailburuak azaldu duenez, dagoeneko 545 arrantzaleri eta Hondarribiko, Getariako eta Pasaiako kofradietako lonjetan lan egiten duten 29 profesionali egin zaizkie analisi horiek.
Gipuzkoako baxurako flota horretan egindako testen % 100ak emaitza negatiboa eman du koronabirusean.
Datorren ostirala eta larunbata bitartean, Bizkaiko lonjetako arrantzaleei eta bestelako profesionalei proba horiek egitea aurreikusi dute. Guztira, zazpi ontzitako langileei dagozkien 110 test egingo dira.
Tapiak aurreratu du birusa atzemateko PCR probak alturako arrantzako profesionaletara ere zabalduko direla. Hala, astearte honetan egingo diete proba Pasaiako Egunabar bakailaoko 26 tripulatzaileei, portu horretatik abiatuko baitira Norvegiako eta Terranovako uretan lau hilabeteko zeharkaldia egiteko.
Halaber, ostiraletik larunbatera bitartean, Frantziako iparraldeko kostaldean arrantzan ari diren arraste-ontziak sartuko dira Ondarroako portuan. Ondarroan basea duten 12 ontziko 120 tripulatzaile dira, eta PCR proba egingo diete hurrengo itsasaldiari ekin baino lehen.
Maiatzaren bigarren hamabostalditik aurrera 250 arrantzalek osatzen duten xaxiango flota, Iparraldeko hegaluzearen arrantzan aritzen dena, pixkanaka itsasoratzen joango dela azaldu du.
Marea oso luzeak direnez eta batzuen eta besteen artean etenaldi laburrak daudenez, tripulazioari PCR testa egitea aurreikusten da ontziratze bakoitzaren aurretik.
Ekainaren amaieran iparraldeko hegaluzearen kostaldera joango diren 600 arrantzaleek ere proba egingo dute.
Era berean, Tapiak zuzentzen duen saila zain dago atunontzi izozgailuen flotak noiz baieztatuko duen tripulazioen erreleboa, behin Osasunarekin koordinatuta dagozkion PCRak egiteko.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.