Antxoaren kostera abiatu dute gaur arrantzaleek, ezohiko segurtasun neurriak hartuta
Antxoaren kostera ezohiko segurtasun neurriak hartuta abiatu dute arrantzaleek astelehen honetan, bai itsasoan, baita lehorrean arraina porturatzean ere.
Euskal arrantzaleek, galiziarrekin, asturiarrekin eta kantabriarrekin batera, itsasontzi bakoitzak gehienez arrantza dezakeen antxoa kopurua 10 tonatik 6ra jaistea erabaki dute, arraina prezio "egokian" saldu ahal izateko, Bizkaiko Kofradien Federazioak eitb.eus-i jakinarazi dionez.
Bokartaren arrantzaldia gaur, astelehena, hasi da, prezioetan oso kaskarra izan den berdelaren denboraldia amaitu ondoren.
Hori horrela izanik, itsasontzi bakoitzak egunean gehienez ere 6.000 kilo antxoa harrapatzea adostu dute (muga 10.000 kilokoa izan da aurreko urteetan), ostalaritza ia guztia itxita dagoen honetan antxoak merkatuan prezio "egokia" izan dezan.
Arantxa Tapia Ekonomiaren Garapen eta Azpiegitura sailburuak adierazi du arrantzaleak koronabirusaren segurtasun protokoloak betetzen ari direla, eta, berdelarekin bezala, ez dutela arazorik espero antxoaren arrantzaldian. Hala ere, kofradietatik jakinarazi dute ez dutela babes neurri nahikorik, guztiek ez dutelako NBErik (Norbera Babesteko Ekipamendua), eta Eusko Jaurlaritzak astelehenean itsasoratu aurretik helarazteko konpromisoa hartu zuela.
Aurelio Bilbao Bizkaiko Kofradien Federazioko idazkariak azpimarratu duenez, itsasontzietan lan egitea "ez da fabriketan lan egitea bezala, haiek jende gutxiagorekin gutxiago ekoiztu dezakete", baina antxoa harrapatzeko "langile kopuru minimo bat" behar da eta "ez da erraza" itsasontzian gutxieneko tartea zaintzeko protokoloa betetzea.
Bestalde, gainerako kofradiekin etengabeko harremanean daudela eta datozen egunetan arrantzatzen dutenaren eta prezioaren arabera erabakiko dutela azaldu du.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.