Apirilean 60 ibilgailu matrikulatu dira EAEn, aurreko urtean baino % 98,3 gutxiago
Apirilean 60 auto eta lur orotako ibilgailu bakarrik matrikulatu dira Euskal Autonomia Erkidegoan (EAE), 2019ko hilabete berean baino % 98,3 gutxiago, COVID-19 koronabirusagatik indarrean den alarma egoerak ezarritako jarduera eta mugimenduen murrizketen eraginez.
Konkretuki, joan den urteko apirilean 3.444 auto eta lur orotako ibilgailu matrikulatu ziren EAEn, eta aurtengoan 60 izan dira, ekoizleen, kontzesionarioen eta saltzaileen elkarteek emandako datuen arabera.
Lurraldeei dagokienez, Araban % 98,86 murriztu da, eta 6 ibilgailu matrikulatu dira; Bizkaian 39 matrikulazio egin dira, iaz baino % 97,8 gutxiago, eta, Gipuzkoan, 15 salmentarekin, matrikulazioek % 98,6 egin dute behera.
Bestalde, 2020ko urtarriletik apirilera bitarte, EAEn 6.390 matrikulazio egin dira, 2019ko lehen lauhilekoan 13.533 egin ziren bitartean. Horrela, % 52,8 murriztu dira matrikulazioak. Lurraldeka, Bizkaian 3.255 ibilgailu matrikulatu dira urtarriletik apirilera, % 53,02 gutxiago, Gipuzkoan 2.076 (- % 53,9), eta Araban 1.068 (- % 50,39).
Albiste gehiago ekonomia
Etxanobek nabarmendu du tasa turistikoaren foru araua udalek adostutakoan onartu egingo dela
Radio Euskadin egin dioten elkarrizketan Bizkaiko ahaldun nagusiak azaldu duenez, aspaldidanik ari dira tasa turistikoa ezartzeko lanean eta azpimarratu du aldundiek onartu aurretik udalak bat etorri behar direla.
Ia 2.000 langabe gutxiago zenbatu ziren ekainean Hego Euskal Herrian
Joan den hilean 103.391 pertsona zeuden lanik gabe Euskal Autonomia Erkidegoan, eta 28.228, Nafarroan; hurrenez hurren, % 1,21 % eta % 2,52 egin du behera langabeziak bi erkidegootan.
Albiste izango dira: Cabify Bilbon, villavesetako langileen greba mugagabea eta Uda Ikastaroak
Gaurkoan albiste izango direnen laburpena, bi hitzetan.
Villavesetako langileek greba mugagabea hasi dute sanferminen atarian
Lehen greba egunaren jarraipena erabatekoa izaten ari da eta gutxieneko zerbitzuak ere betetzen ari dira. Atzo egindako bozketan, langile gehienek grebari eustea babestu zuten, TCC enpresak mahai gainean jarritako azken proposamena atzera botata. Sindikatuak negoziatzen jarraitzeko prest agertu dira, baina enpresak esana du lanuztea martxan dagoen bitartean ez dela hitz egitera eseriko.
Cabify VTC zerbitzua eskaintzen hasi da Bilbon
Cabify Espainiako garraio-enpresa Euskadin zerbitzua ematen hasi da gaur, Bilbon eta inguruan. Aurrerantzean, Uberrekin batera eskainiko du VTC zerbitzua Bizkaiko hiriburuan. Gauzak horrela, taxien sektorearekin tentsioa agerikoa da.
Sabadellek TSB Erresuma Batuko filiala saldu dio Santander bankuari
Sabadelleko administrazio kontseiluak Santander UKren eskaintza onartu du (Barclaysen eskaintzari gailendu zaio), baina Kataluniako bankuak akziodunen ezohiko batzarra deitu beharko du salmenta babesteko, BBVAren erosketa eskaintzan murgilduta baitago.
Jaurlaritzak tasa turistiko bat ezartzeko eztabaida abiarazi du foru ogasunekin
Turistak etortzeak “Euskadirako hobekuntza bat” ekartzea nahi du Turismo sailburuak, eta “lehenbailehen” ezartzea espero du. Hala ere, Javier Hurtadok gehitu duenez, "denok dakigu, eskarmentuaz, foru ogasunak azkarrak izan daitezkeela zenbait gaitan, eta beste batzuetan agian ez hainbeste".
Sidenorrek Israeli altzairua saltzeari utzi dio, Espainiako Gobernuaren erabakiaren ildotik
Palestinaren aldeko erakundeek siderurgia-taldearen aurka salaketak jarri dituzte. Kontrabando delitua leporatzen diote, Bartzelonan materiala kargatzeko zain dagoen itsasontzi bat dela eta. Salaketetako bat Auzitegi Nazionalean jarri dute.
Egun erabakigarria villavesen gatazkan: TCC enpresaren azken proposamena bozkatzen ari dira langileak
Bozketa goizean hasi da, eta gauerdia igarota amaituko da, azken txandakoek bozkatzen dutenean. Orduan jakingo da grebari eutsiko dioten ala ez.
15 urtetik beherakoek doan bidaiatu dezakete garraio publikoan urtea amaitu arte
6 eta 14 urte bitarteko haurrek eta nerabeek doan bidaiatu dezakete Euskadiko garraio publikoan. Orain arte, 12 urtera artekoek zuten doan bidaiatzeko aukera.