Aldi baterako lan-erregulazioak ekainera arte luzatzeko akordioa lortu dute
Hainbat astez negoziatzen egon ostean, aldi baterako lan-erregulazioak luzatzeko akordioa lortu dute Espainiako Gobernuak, enpresari elkarteek eta sindikatuek. Koronabirusak eragindako egoeragatik ezinbestean ezarritako aldi baterako lan-erregulazioak ekainaren 30era arte luzatzea aurreikusten du testuak. Ezinbesteko arrazoiengatik (jarduera berrekin ezin dutenen kasuan) zein partzialki (jardueraren zati bat berreskuratu dezaketenen kasuan) ezarritako aldi baterako lan-erregulazioei eragingo die luzapenak.
Atzo iluntzean aurreakordioa izenpetu ostean, gaur sindikatuek eta enpresari elkarteek testua berretsi dute, bakoitzak bere zuzendaritza batzordeetan, eta Ministroen Kontseiluak ere akordioa onartu du.
Akordioan jasotakoaren arabera, alarma egoera dela eta aldi baterako lan erregulazioa onartu duten enpresek ezingo dituzte langileak kaleratu urte amaiera arte, eta horren ordez, Espainiako Gobernuak diru-laguntzak emango dizkie berriro ere langileak berreskuratzen dituzten enpresei. Laguntzak Gizarte Segurantzako kotizazioen bidetik etorriko dira, Gobernuak zati handi bat bere gain hartuko baitu.
Erregulazio prozesuak martxan dituzten enpresek, bestalde, ezingo dituzte lan-urte horri dagozkion dibidenduak banatu, baldin eta ez badiote itzultzen Gizarte Segurantzari ordaindu gabe utzitako kuota zatia. Dena dela, neurri hori ez da ezarriko 50 langile baino gutxiagoko enpresatan.
Lan Ministerioa
Yolanda Diaz Espainiako Gobernuko Lan ministroak akordioa txalotu du, eta bai sindikatuek eta bai patronalak "akordio orekatu" bat lortzeko "egin duten ahalegina" txalotu du. "Alde guztiei tokatu zaie amore ematea", esan du.
Itxitako akordioa enpresarientzat eta sindikatuentzat "onuragarria" izango dela zehaztu du, eta eragile guztiek erakutsitako jarrera nabarmendu du.
Sindikatuak
CCOO sindikatuek batzorde exekutiboak goizean berretsi du akordioa, eta Unai Sordo zentral horretako idazkari nagusiak esan duenez, enpleguaren suntsitzea ekiditeko giltzarria izango da ituna.
"Dudarik gabe, herriak eta langilegoak horrelako albisteak merezi dituzte", esan du Twitterreko bere kontuan.
Ildo beretik mintzatu da UGT Euskadiko Raul Arza ere. "Pozik" agertu da itunarekin, "egungo baldintzak bi hilabetez luzatzea lortu dugulako".
Patronala
CEOE patronalak ere, azkenean, babestu egin du akordioa, enplegua matentzeko ezarritako baldintzak begionez ikusten ez baditu ere, eta, betiere, sektore bakoitzaren egoera berrikusteko baldintzarekin.
Goizean egin duten batzarrean tentsio handia egon dela onartu du patronalak, urtea amaitu arte inor ezin kaleratzeak ezinegon eta haserre handia eragin baitu enpresaburu askoren artean.
Kontuan izan osasun agintariek korronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, zure osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.