Gipuzkoako Foru Aldundiak % 20 murriztu du Udalen finantzaketa-funtsa
Gipuzkoako Foru Aldundiak Udalen Finantzaketarako Foru Funtsa (UFFF) % 20 murriztea erabaki du, COVID-19aren pandemiak diru-bilketan eragingo duen beherakada dela eta; 2019koarekin alderatuta, % 20 eta % 25 bitarteko beherakada izango dela aurreikusi dute.
Eider Mendoza foru-bozeramaileak prentsaurrekoan azaldu duenez, EAJ-PSEren gobernuak astearte honetan onartu du Foru Dekretua, Udalak finantzatzeko funtsean % 20ko murrizketa ezartzeko.
Gipuzkoako Ogasunak iaz baino 1.000 milioi euro gutxiago bilduko dituela aurreikusi du; beraz, jaitsiera horrek "maila administratibo guztien finantzaketa higatuko du", udalena barne.
Finantzen Euskal Kontseiluak Udalen Finantzaketarako Foru Funtsa 536 milioi eurorekin hornitzea zehaztu zuen udazkenean, eta kopuru hori 429 milioi eurotan geratuko da.
Otsailean, 11 milioi euroko aparteko partida jaso zuten iaz udalek funts horren likidazio positiboagatik, baina egoera aldatu egin da koronabirusaren ondorioz, eta, beraz, gainerako hiru ordainketei jada aplikatuko zaie % 20ko murrizketa eta ordaindutakoaren kopuru proportzionala.
"Ez luke inolako zentzurik izango 2021eko otsailean udalek Udalen Finantzaketarako Foru Funtsaren % 20 edo % 25 itzuli behar izatea, hau da, 100 milioi euro baino gehiago", adierazi du bozeramaileak.
Mendozak azaldu du udal ordezkariak izan zirela Aldundiak diru-bilketaren inguruan egindako aurreikuspenak ezagutu dituzten lehenengoak, eta iragarri du ostiral honetan ezohiko Finantzen Lurralde Kontseilua egingo duela, udalek horren inguruan dituzten "zalantzak eta kezkak" argitzeko.
Gaur onartutako foru-arau horretan, udal-erakundeentzat beste bi neurri gehigarri onartu dira, COVID-19ko krisiarekin lotuta.
Alde batetik, kreditu gehigarriak onartzeko prozesua sinplifikatu eta arindu egin da; beraz, udalek ahalmen handiagoa izango dute berehala neurriak hartzeko, eta, beste alde batetik, aukera ematen zaie osasun-krisiak bereziki kolpatutako kolektiboei zuzendutako ezohiko laguntzetara bideratutako hobari fiskalak hartzeko.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.