Michelinek irailaren 15era arte luza daitekeen 70 eguneko lan-erregulazioa adostu du
Michelin pneumatikoen fabrikatzaileak irailaren 15era arte luza daitekeen 70 eguneko bigarren aldi baterako lan-erregulazioa onartu du, honek, Estatuan dituen 7.500 langileri eragingo dielarik. Gasteizko lantegiko 3.500 langileri eta Lasarteko (Gipuzkoa) lantegiko 500 behargini eragingo die.
Lan-kontratuak etetearen prozedura kolektiboaren ondorioz, koronabirusaren pandemiak jardueretan eragindako galerei aurre egin nahi dio enpresak. Kamioientzat pneumatikoak egiteko jarduera % 30 jaitsi dela, eta autoentzat egiten diren pneumatikoena %70 murriztu dela adierazi du fabrikatzaileak.
Aldi baterako lan-erregulazioaren baldintzak, jai egunak, garrantzi bereziko egunak eta bestelakoak, negoziaketa mahaian egin diren lau bileretan erabaki dira, CCOO eta UGT sindikatuek jakinarazi dutenez, komunikatu ezberdinen bitartez. Lan-erregulazioak ezingo du irailaren 15a baino haratago joan.
"Lanpostuak bermatzea izan da lehentasuna. Akordioan, hitzarmen kolektiboan azaltzen den guztia errespetatuko dela argi geratu da, lanpostuak mantendu eta berrituko direlarik, azaldu dio EFE Agentziari Jose Ignacio Leniz Michelineko CCOO sindikatuko idazkari nagusiak.
Maiatzaren 18an hasiko da aldi baterako lan-erregulazioa, Aranda de Duero (Burgos), Lasarte (Gipuzkoa), Valladolid eta Gasteizko lantegietan. Ekainaren 1etik aurrera gehituko dira lan-erregulaziora Almeriako Esperientzia Zentroa, Tres Cantoseko (Madril) merkataritza-guneko lantegia, Illescaseko (Toledo) banaketa zentroa, eta Valladolideko Ohiko Bulegoak.
Akordioarekin bat, Michelinek bermatu egiten ditu langile bakoitzaren soldataren % 80 arte iristeko diru-laguntzak, Estatuko Lan Zerbitzu Publikotik jasotakoa portzentaje horretara ez bada iristen. Lan-erregulazioak ez die eragingo urteko oporren sortzapenei, ezta udako soldata estrari. Uztailaren 1etik aurrera aplikatzen diren aldi baterako lan-erregulazioetako txanden soldata estraren sortzapenei soilik eragingo die.
Aldi baterako lan-erregulazioak ez die eragingo errelebo kontratuan eta erretiro prozesuan dauden langileei, ezta aitatasun edo amatasun baimenak dituztenei, edoskitzaroan daudenei, edota eszedentzia boluntarioa eskatuta dutenei. Instalazioen segurtasuna bermatzeko beharrezkoak diren langileei eta ekainaren 30etik aurrera langabezia laguntza jasotzeko aukera duten langileei ere ez die eragingo.
Bestalde, LAB sindikatuak ez du lan-erregulazio hau onartu, soldata baxuenak dituzten sektore ahulenei eragingo baitie, eta azpikontratetako langileek ez baitute inolako bermerik. CCOO, CSI eta UGT sindikatuek zuzendaritzarekin lortu duten akordioari buruz, hauxe esan du LABek: "Akordio honek ez ditu lanpostuak bermatzen etorkizunean ezta epe ertainean". Gainera, kritikatu egin du LAB aldi baterako lan-erregulazioaren jarraipenetik kanpo utzi izana, Lasarteko lantegian ordezkari gehien dituen sindikatua izanda.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.