Bizkaiak iaz baino % 14,8 gutxiago bildu du apirilera arte
2.457,6 milioi euro bildu ditu Bizkaiko Foru Aldundiak 2020. urtean, apirilera arte, Zerga Itunduen bidez, 2019ko epe berean baino 426,6 milioi gutxiago, hots, % 14,8ko beherakada izan da urtebeteren joan-etorrian.
Ohar batean, foru erakundeak zehaztu du funtsean hiru faktorek eragin dutela jaitsiera hau, eta horietako lehenengoa da covid-19aren aurreko osasun larrialdiak jarduera ekonomikoa apaldu izana, nahiz eta gaur aurkeztutako datuetan martxoan izan zuen eragina besterik ez den jasotzen.
Bestalde, autolikidazioak borondatez aurkezteko epea ekainaren 1era arte luzatu denez, langile autonomo, mikroenpresa eta enpresa txiki askok martxoan eta apirilean egin behar zituzten ordainketak atzeratu dituzte eta ez dira, beraz, apirilera arteko datuetan ageri.
Hirugarrenik, zergadunentzako itzulketak bizkortu egin ditu Aldundiak: aurtengo lehenengo lauhilekoan, iazko epe berean baino 65,2 milioi euro gehiago itzuli ditu BEZagatik; hau da, iaz baino % 22,2 gehiago.
Zerga Itunduen bidez, zeharkako zergen ondorioz, 1.277 milioi euro bildu dira; hau da, % 8,8 gutxiago. Horien artean, PFEZa % 7,6 jaitsi da, eta sozietateen gaineko zerga, berriz, % 17,3.
Zeharkako zergen bidez, 1.075,6 milioi euro eskuratu ditu Bizkaiak, BEZaren eta zerga berezien barne-doiketak egin ondoren; hau da, % 17,6 jaitsi da bilketa.
Foru aldundien arteko doikuntzetan, Bizkaiak 68 milioi euro ordaindu dizkio Arabari eta 156 milioi Gipuzkoari. 224 milioi euro horietako 121 milioi BEZaren bidez bildu zituen eta gainerako 103 milioiak, berriz, zerga berezien bidez.
Urteko lehen lau hilabeteetan bildutako 2.457,6 milioi euroak 2020ko ekitaldi osorako aurrekontuan ezarritakoaren (8.141,1 euro) % 30,2 izan da.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.