Mila lagunek baino gehiagok ostalaritza babestu dute Bilbon, manifestazioan
'Hosteleria en Pie de Guerra' plataformak mila lagun baino gehiago batu ditu arratsaldean Bilbon, Kale Nagusia zeharkatu duen manifestazio batean; manifestazioaren helburua izan da COVID-19aren pandemiagatik dekretatutako alarma-egoerako deseskalatze-prozesuan tabernak eta kafetegiak irekitzeko baldintzengatik protestatzea.
Manifestazioa 20:30ean abiatu da, Bilboko Plaza Biribilatik. Ezkerraldeko, Eskuinaldeko, Bizkaiko Meatzaldeko eta Bilboko Alde Zaharreko ostalariak izan dira, eta euren saltokien izenak erakutsi dituzte, hainbat kartelatan.
Maskarak aldean zituztela, eta segurtasun-tartea zainduta, manifestazioaren burua Moyua Plazara iritsi da; orduan, parte hartu duten azken ostalariek oraindik Plaza Biribilatik irten gabe zeuden.
Txalo artean, ondorengo mezuak erakutsi dituzte: "Ostalaritza borrokan", "Bankariari lagundu zenioten, lagundu ostalariari", "Aukera hauek ez dira konponbideak", edo "Ostalaritzaren heriotza, Gobernua eman irtenbidea".
Halaber, hau oihukatu dute: "Tabernak ez dira hiltzen, hiltzen dituzte", "Tabernarik gabe ez dago bizitzarik auzoan", edo "Erakundeok, irtenbide gehiago".
Konfinamendua malgutzeko 1 fasean (igandera arte izango da indarrean Euskadin), ostalaritza baimendutako terrazen % 50 ireki ditzake, baina ez tabernetako eta kafetegietako barnealdea; astelehenean hasiko den 2 faserako, Eusko Jaurlaritzak proposatu dio Espainiako Gobernuari barnealdea ere ireki ahal izatea, % 50ean, betiere bezeroak mahaian egonda, eserita, eta bi metroko tartea zainduta. Beraz, autozerbitzua eta barra-zerbitzua ez lirateke baimenduta egongo.
Jaurlaritzaren esanetan, neurri hori proposatzen dute “nahasmendu txikiagoa izan dadin”, eta edukiera berdina izan dadin lokaleko barnealdean eta kanpoaldean.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.