Arabak urtebetez atzeratu du zerga-iruzurraren aurkako faktura elektronikoa
Arabako Foru Aldundiak 2022ra arte atzeratu du TicketBai fakturazio elektronikoko sistema berriaren ezarpena. Erabakia COVID-19aren krisiak eragindako "lehentasun-aldaketagatik" hartu dute; sistema berriaren helburua da zerga-iruzurraren kontrola hobetzea eta haren aurkako borroka indartzea.
Itziar Gonzalo Ogasun, Finantza eta Aurrekontu ahaldunak neurria babestu du, kontuan izanik Arabako ekonomia-sarean "jardueraren etenaldia" izan dela; halaber, "epeak luzatzearen alde" agertu da, negozioak sistema berrira egokitu ahal izan daitezen.
Asmoa zen fakturazio elektronikoko sistema berria 2021eko urtarrilean ezartzen hastea, baina Arabako Ogasunak urtebetez atzeratzea erabaki du; 2022ko urrirako, sektore guztietan izatea espero dute.
Batzar Nagusietan egindako agerraldian, Gonzalok azaldu du bere Sailak ez duela kontuak berregituratzeko aukera handirik; izan ere, aurrekontuko zatirik handiena Aldundiaren obligazioak ordaintzeko erabiltzen dute.
Gainera, nabarmendu du altxortegiko "soberakina" baliatzeko aukera dutela, eta, horrez gain, oso garrantzitsua dela, Espainiako Gobernuarekin adostuta, "zorraren muga handitzea", erakundeek, hala, zerga-bilketaren beherakada konpentsatu ahal izan dezaten. Gonzaloren esanetan, beherakada hori 500 bat milioi eurokoa izango da, eta, horietatik, 100 milioik eragin zuzena izango dute Arabako Aurrekontuan.
Hainbat neurri fiskal, Araba berreskuratzeko
Araba berreskuratzeko planean, hainbat neurri fiskal onartu egin dituzte, ahaldunak gogora ekarri duenez. Neurri horietarako, 248,5 milioi euro gehiago erabili ahalko dituzte, zergak atzeratuta, kenkari berrien bidez, eta beste zenbait neurri ekonomikorekin.
Oposizioaren aldetik, Nerea Martinez EH Bilduko batzarkideak proposatu du zerga-sistema aldatzeari heltzea; horrela, gaitasun ekonomikorik handiena dutenek egingo lukete ekarpenik handiena. Ohartarazi duenez, bere alderdiak ez du baimenduko Arabako Gobernuak murrizketarik egitea, egungo krisi ekonomikotik irteteko.
Ana Morales PPko batzarkideak adierazi du ez dagoela ados "iruzurraren aurkako borroka atzeratzeko erabakiarekin", kontuan izanik Arabako Aldundiak bildu ahal dituen “euro guztiak” beharko dituela; proposatu du Sozietateko Zerga bertan behera uztea.
Damian Garcia Elkarrekin Arabako batzarkideak galdegin du zergak "berraztertzea", gastu publikoari eutsiko zaiola "bermatzeko", bai eta zerga-erreforma gauzatzea beharrezkoa dela. Gainera, "zintzotasuna" eskatu dio Foru Gobernuari, oposizioko taldeei informazioa ematean.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.