Sindikatuek elkarretaratzeak deitu dituzte osasun publikoaren alde
SATSE, ELA, LAB, SME, CCOO, UGT eta ESK sindikatuek elkarretaratzeak deitu dituzte ostiral honetarako Donostiako, Basurtuko eta Txagorritxuko ospitaleetan, eta Osakidetzaren Lehen Arretako osasun zentroetan, osasun publikoaren alde.
Ohar bateratu batean azaldu dutenez, koronabirusaren krisiak agerian utzi du osasun publikoaren garrantzia, baina azken urteotan "osasungintza negozio-hobi bihurtu da, eta hor ikusi dute batzuek dirua irabazteko aukera, osasun-sistemaren kontura. Hala, osasun publikoaren ahultzearen lekuko izan gara, eta horren ondorioak nabarmenak izan dira osasun-krisi honi aurre egiteko orduan".
"Argi eta garbi esan dezakegu langileen ahaleginari eta inplikazioari esker arindu ahal izan direla gure osasun-sistemaren gabeziak, egunerokoan ere gertatzen den bezala", erantsi dute.
Sindikatuen esanetan, langileek "lan-karga onartezinak" dituzte eta "babes-neurrien falta ikaragarria" dute. "Langile gutxiegiko lantaldeak, krisiari aurre egiteko prestakuntzarik jaso ez dutenak, eta Osakidetza baliabide nahiko eta egokiez hornitu ez dituena" gaineratu behar zaie beste horiei.
Egoera horretan, SATSE, ELA, LAB, SME, CCOO, UGT eta ESK sindikatuek elkarretaratzea egingo dute Eusko Jaurlaritzari osasun arloko politika publikoak lehenbailehen alda ditzala eskatzeko.
Osasun publikora bideratutako partida "EBko batez bestekoaren pare jartzeko", "plantilla ugaltzea", "behin-behineko langileak finkatzea, plantilla egonkortzeko" eta "Osakidetzan diru publikoarekin prestaturiko profesionalen ihesa geldiarazteko" eskatzen dute, beste aldarrikapen batzuk egiteaz gainera.
Era berean, "zerbitzu pribatizatuak arlo publikora itzultzea" eta "plantillaren osasuna eta segurtasuna bermatzeko neurriak" eskatu dituzte, "hala koronabirusa balizko berragertzeari begira, nola eguneroko lanari begira".
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.