Azorako maizterrek familia zaurgarriei alokairua barkatzea eskatu dute
Vascongada higiezinen agentziak Azora inbertsio funtsari saldu zizkion etxebizitzetako maizterrek familia zaurgarrienei alokairuak barkatzea eskatu dute larunbat honetan; izan ere, COVID-19 pandemiaren bigarren olatuaren eraginez errenta ordaintzeko arazoak izan ditzakete.
Azora Maizter Elkarteak elkarretaratzea egin du Donostian bere aldarrikapenen berri emateko, besteak beste, “etxebizitzak baldintza egokietan mantentzea”; izan ere, batzuk “baldintza penagarrietan” daude, salatu duenez.
“Isilean, besterik adierazi ezean, amaitutako kontratuak luzatzea” leporatu dio kolektiboak Azorari. Horrela, Azorak “maizterrei burofaxa edonoiz” bidaltzeko aukera du, “giltzak itzultzeko hilabete dutela edo kontratu berria igoera neurrigabeekin” egingo zaiela jakinarazteko.
Kontratu berrien sinadurak zazpi urteko iraupena izatea eskatu du elkarteak, eta igoerak KPIren arabera egitea. “Baldintza txarrik onartuko” ez dutela ohartarazi du kolektiboak.
Boulevard Zumardian egindako elkarretaratzean Pilar Garrido Unidas Podemoseko diputatuak parte hartu du. Garridok etxegabeen babesa bermatzeko ekimena eramango du Diputatuen Kongresura, Espainiako Gobernuak estrategia berri bat onartzeko.
Garridok erabakiaren garrantzia goraipatu du ohar batean; izan ere, osasun krisiak “fenomenoari heltzea premiazkoa zela agerian utzi du, etxegabeen zaurgarritasun handia ikusita”. Zentzu horretan, azken hilabeteetan egoerak okerrera egin duela erantsi du.
Zure interesekoa izan daiteke
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.
Honela banatzen da ostatu turistikoaren eskaintza Euskal Autonomia Erkidegoan
Euskadiko Turismo Enpresen eta Jardueren Erregistroaren azken datuaren arabera, gaur egun 88.604 turismo-plaza daude, ia erdia Bizkaian. EAEko 19 udalerritan 750 ostatu-plaza baino gehiago daude.