Ameriketako Estatu Batuekin merkataritza-harremanak, Europar Batasunaren jomugan
AEBko hauteskundeen ostean, Europar Batasuneko Merkataritza ministroek bideokonferentzia egingo dute astelehen honetan, Ameriketako erraldoiarekin dituzten harreman komertzialak aztertzeko. EBk merkataritza-bazkide handienari Boeing kasuagatik muga-zergekin erantzungo ote dion inork ez daki oraindik.
“EB errepresaliak hartzeko prozesua amaitzen ari da, AEBrekin konponbide adostu bat lortu ezean, indarrean dauden muga-zergak bertan behera uztea barne”, adierazi dute iturri komunitarioek.
Boeing erraldoi aeronautikoari legez kanpoko dirulaguntzak emateagatik, EBk AEBko inportazioei 4.000 milioi dolarreko (3.360 milioi euro) muga-zergak jartzeko eskubidea zuela ebatzi zuen Munduko Merkataritza Erakundeak orain dela gutxi.
Aldez aurretik, Airbus aurkariari legez kanpoko laguntzak emateagatik Europako produktuei 7.500 milioi dolarreko (6.300 milioi euro) muga-zergak ezartzeko baimena eman zion erakundeak Washingtoni. Horrela, oliba-olioa, oliba edo ardoaren inportazioa zigortu zituen Etxe Zuriak.
“Azaroaren 9an edo 10ean zerbait argitzea espero dugu, EBk Boeing kasuan nola jokatuko duen argi izatea”, azaldu dute iturri komunitarioek.
Besteak beste, ardoaren esportazioei kalte egin diete muga-zergek. Artxiboko irudia: EiTB
Europako Batzordeak kolpea ematea baino nahiago du Washingtonekin negoziatu eta akordio bat lortzea ezarritako muga-zergak altxatzeko; izan ere, errepresaliek ez diote inori mesederik egiten.
AEBk muga-zergak kentzen ez baldin baditu, estatu kideek irmotasuna eskatuko diote Batzordeari, esaterako Espainiak; izan ere, muga-zergek esportazioei kalte handia egin diete.
Besteak beste, oliba-olioa, ardoa, oliba, gazta, txerri hestebeteak, zukuak, likoreak, moluskuak eta kontserbako fruituei kalte egin diete muga-zergek.
Edozein kasutan, EBko ministroek egoeraren “balantzea egiteko” aukera izango dute astelehen honetan, azaroaren 3ko hauteskundeen ostean. Merkataritza-harremanak zailak izan dira azken lau urteetan, Donald Trumpen administraziopean, iturri komunitarioek onartu dutenez.
Joe Biden AEBko presidente hautetsi izendatu baino lehen, eztabaidatzeko gaien zerrendan zegoen. Trumpen politika protekzionistak sortutako tentsioak arintzen lagundu beharko luke administrazio-aldaketak.
Zure interesekoa izan daiteke
Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori onartuta, talde arabiarrak Zumaiako ontziola erosi ahalko du, 11,2 milioi euroren truke.
Eusko Jaurlaritzak "positibotzat" jo du Balenciaga ontziolan lortutako akordioa, eta langileei egindako "esfortzua" eskertu die
Eusko Jaurlaritzako Industria, Trantsizio Energetiko eta Jasangarritasun sailburuak esan duenez, negoziazioan "soka asko tenkatu da, baina ez da inoiz apurtu". Akordioak lan-karga emango die ontziolaren beraren beharginei zein haren menpe dauden lanpostu ez zuzenei.
Zumaiako alkateak zoriondu egin ditu Balenciaga ontziolaren negoziazioan parte hartu duten alde guztiak
Iñaki Ostolaza, Zumaiako alkatea, pozik agertu da akordioarekin eta zorionak eman dizkie Balenciaga ontziolaren negoziazioan parte hartu duten alde guztiei, eta aipamen berezia egin die langileei.
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.